కన్నకూతురిపై అత్యాచారానికి పాల్పడిన తండ్రి అరెస్ట్

Publish: Tue, 29 Mar 2022 (10:20 IST) Updated: Tue, 29 Mar 2022 (10:24 IST)

కామాంధులు రెచ్చిపోతున్నారు. వావి వరుసలు మరిచి అత్యాచారాలకు పాల్పడుతున్నారు. తాజాగా కన్నకూతురిపై అత్యాచారానికి పాల్పడుతున్న నిందితుడిని పోలీసులు అరెస్టు చేశారు.

వివరాల్లోకి వెళితే మర్పల్లి పోలీస్‌ స్టేషన్‌ పరిధిలో ఈ సంఘటన చోటుచేసుకుంది. మండలంలోని ఓ కుగ్రామానికి చెందిన నిందితుడు మూడు పెళ్లిళ్లు చేసుకున్నాడు. మొదటి ఆమెతో విడిపోగా రెండో భార్య చనిపోయింది. మూడో సంబంధానికి ఓ కుమారుడు, కుమార్తె. భార్యకు మతిస్థిమితం లేదు. కుమార్తె (15)పై మూడేళ్లుగా లైంగిక దాడికి పాల్పడుతున్నాడు.

ఈ విషయాన్ని కుటుంబంతో పరిచయం కొనసాగిస్తున్న నిందితుడి మొదటి భార్యకు బాధితురాలు ఫోన్‌ చేసి చెప్పింది. ఆమె సూచనతో డయల్‌ 100కు సమాచారం ఇచ్చింది. పోలీసులు స్పందించి తండ్రిని సోమవారం రిమాండ్‌కు తరలించినట్లు డీఏస్పీ తెలిపారు.