ఎక్కడ ఎలాంటి ప్రశ్న అడగాలో తెలియదా? దీపికా పదుకునే ఫైర్
బాలీవుడ్ స్టార్ హీరోయిన్‌ దీపికా పదుకునేకు కోపం వచ్చింది. మీడియా చేస్తున్న ఓవరాక్షన్‌పై దీపికా మండిపడింది. ఓ జర్నలిస్ట్ అడిగిన ప్రశ్నకు దీపికాకు కోపం తెప్పించింది. ఇంతకీ విషయం ఏమిటంటే..? బాలీవుడ్ స్టా
బాలీవుడ్ స్టార్ హీరోయిన్‌ దీపికా పదుకునేకు కోపం వచ్చింది. మీడియా చేస్తున్న ఓవరాక్షన్‌పై దీపికా మండిపడింది. ఓ జర్నలిస్ట్ అడిగిన ప్రశ్నకు దీపికాకు కోపం తెప్పించింది.
ఇంతకీ విషయం ఏమిటంటే..? బాలీవుడ్ స్టార్ హీరోయిన్‌గా కొనసాగుతోన్న దీపికా పదుకోనే.. బాలీవుడ్ స్టార్ హీరో రణ్‌వీర్ సింగ్‌ను వివాహం చేసుకోనుందని జోరుగా ప్రచారం సాగుతోంది. నవంబర్‌లో ఈ జంట పెళ్లి చేసుకోబోతున్నదనే వార్తలు బలంగా వినిపిస్తున్నాయి. కానీ దీనిపై ఇద్దరూ అధికారిక ప్రకటన చేయలేదు.
తాజాగా దీపికా మానసికంగా ఎదురయ్యే ఒత్తిడిని ఎలా జయించాలనే అంశంపై జరిగిన సదస్సులో ప్రసంగించింది. తను ఎదుర్కొన్న ఒత్తిడి గురించి కూడా ఈ సదస్సులో వెల్లడించింది. మహిళలు తమకంటూ కొంత సమయం కేటాయించాలని, తమకి నచ్చిన పని చేస్తూ సంతోషంగా ఉండాలని సూచించింది. ఈ సదస్సులో దీపికకు తన పెళ్లికి సంబంధించిన ప్రశ్న ఓ జర్నలిస్ట్ నుంచి ఎదురైంది.
రణ్‌వీర్‌తో మీ పెళ్లి గురించి చెప్పండి అంటూ ఓ జర్నలిస్ట్ దీపికను ప్రశ్నించారు. దీంతో తీవ్ర అసహనానికి గురైన దీపిక ''ఈ ప్రశ్నకు నేను సమాధానం చెప్పాల్సిన అవసరం లేదు. అయినా ఇలాంటి కార్యక్రమానికి వచ్చినప్పుడు అడగాల్సిన ప్రశ్నలు ఇవేనా'' అంటూ సదరు జర్నలిస్ట్‌కి ఎదురుప్రశ్న వేసింది.
