ఆఫర్లు నిల్.. ఎక్స్‌పోజింగ్ పుల్.. శ్రియ తంటాలు!
తెలుగు చిత్రపరిశ్రమలో అనేక మంది అగ్రహీరోలతో నటించిన నటి శ్రియ. చిరంజీవి, వెంకటేష్, నాగార్జున వంటి అగ్ర హీరోలతో పాటు.. కుర్ర హీరోలతోనూ జోడీకట్టింది. ఆ తర్వాత ఈ అమ్మడికి అవకాశాలు పూర్తిగా తగ్గిపోయాయి. ఇపుడు ఒకటి రెండు ఆఫర్లు మాత్రమే వస్తున్నాయి.
అలాగే తమిళంలోనూ ఈ అమ్మడుకు ఆఫర్లు ఒక్కటంటే ఒక్కటికూడా లేదు. దీంత కోలీవుడ్‌లో తట్టాబుట్టా సర్దుకుంది. కానీ, 2007లో సెన్షేషనల్‌ డైరెక్టర్‌ శంకర్‌ - సూపర్‌ స్టార్ రజనీకాంత్‌ కాంబినేషన్‌లో వచ్చిన ‘‘శివాజి - ది బాస్‌’’ చిత్రంలో ఆమెకు బంపర్‌ ఆఫర్‌ వచ్చింది.
పైగా ఈ చిత్రం బాక్సాఫీస్‌ వద్ద కనకవర్షం కురిపించింది. దీంతో శ్రియ కోలీవుడ్‌లో వరుస ఆఫర్లు వస్తాని ప్రతి ఒక్కరూ భావించారు. కానీ, ఆమెకు నిరాశే ఎదురైంది. ఆమె వైపు నిర్మాతలు కన్నెత్తి కూడా చూడలేదు. దీంతో శ్రియ తెలుగు, మలయాళం, కన్నడ భాషల్లోకి వెళ్ళిపోయింది.
అయితే, తాను ఇంకా ఉన్నానని కోలీవుడ్‌ ప్రేక్షకులకు గుర్తు చేసేందుకు అపుడప్పుడు ఈ ముద్దుగుమ్మ... కురచ దుస్తుల్లో ఫొటోలకు ఫోజులిస్తూ వాటిని సోషల్‌ మీడియాలో పోస్ట్‌ చేస్తోంది. వాటిని చూసిన ఆమె అభిమానులు.. ఒక్క నిర్మాత నుంచి పిలుపు రాకపోవడంతో ఎక్స్‌పోజింగ్‌నే నమ్ముకుందంటూ కామెంట్స్‌ చేస్తున్నారు. కాగా, ప్రస్తుతం శ్రియకు ఇతర భాషల్లో కూడా పెద్దగా అవకాశాలు లేవనే చెప్పాలి.
