కరోనాకు ముందులా ఉండదు... రెమ్యునరేషన్‌లో వెనక్కి తగ్గక తప్పదు : ప్రకాష్
ప్రస్తుతం తెలుగు సినీ ఇండస్ట్రీలోనే కాదు భారతీయ సినీ ఇండస్ట్రీలో నెలకొన్న పరిస్థితులపై ప్రముఖ నటుడు ప్రకాష్ రాజ్ స్పందించారు. ఇకపై కరోనాకు ముందులాంటి పరిస్థితులు ఉండకపోవచ్చని తెలిపారు. పైగా, కరోనా తర్వాత పరిస్థితులకు అనుగుణంగా నడుచుకోవాల్సి వస్తుందని తెలిపారు.
అయితే, కరోనా తర్వాత అగ్ర హీరోలు తమ రెమ్యునరేషన్‌ను తగ్గించుకుంటారా? అనే ప్రశ్నకు ప్రకాష్ రాజ్ సమాధానమిచ్చారు. ప్రతి ఒక్క హీరోకు ఉండే మార్కెట్ విలువ ఆధారంగా చేసుకుని నిర్మాతలకు రెమ్యునరేషన్ ఇస్తుంటారన్నారు. అయితే, కరోనా తర్వాత ప్రతి ఒక్కరూ తమ రెమ్యునరేషన్‌ను తగ్గించుకోక తప్పదన్నారు.
కరోనా వైరస్ ప్రభావం ప్రతి రంగంపై ఉందనీ, అదేవిధంగా సినీ ఇండస్ట్రీపై ఉందన్నారు. అందువల్ల పరిస్థితులకు అనుగుణంగా సర్దుకుని పోవాల్సిన పరిస్థితులు ఉంటాయన్నారు. అలాకాని పక్షంలో చాలా కష్టాలు ఎదుర్కోక తప్పదని ప్రకాష్ రాజ్ చెప్పుకొచ్చారు.
