1. వినోదం
  2. తెలుగు సినిమా
  3. గుసగుసలు
  4. Rajinikanth and Akshay Kumar's '2.0' grand release plans in China

చైనాలో '2.0' భారీ రిలీజ్.. 16 వేల థియేటర్స్‌లో స్క్రీనింగ్

'బాహుబలి ది బిగినింగ్' సినిమాతో తెలుగు సినిమా స్థాయిని పెంచిన దర్శక ధీరుడు రాజమౌళి 'బాహుబలి ది కంక్లూజన్'తో టాలీవుడ్ ఇండస్ట్రీని ప్రపంచానికే పరిచయం చేశాడు. ఓ తెలుగు సినిమా ఇలాంటి ఘనత సాధిస్తుందని ఎవరు

Rajinikanth
'బాహుబలి ది బిగినింగ్' సినిమాతో తెలుగు సినిమా స్థాయిని పెంచిన దర్శక ధీరుడు రాజమౌళి 'బాహుబలి ది కంక్లూజన్'తో టాలీవుడ్ ఇండస్ట్రీని ప్రపంచానికే పరిచయం చేశాడు. ఓ తెలుగు సినిమా ఇలాంటి ఘనత సాధిస్తుందని ఎవరు ఎప్పుడు ఊహించలేదు కూడా. ఏ ఇండియన్ సినిమా సాధించని రికార్డు బాహుబలి 2 సాధించి అందరు ముక్కున వేలేసుకునేలా చేసింది. ఏకంగా రూ.2 వేల కోట్ల‌ు వ‌సూళ్ళు సాధించింది.
 
ఈ క్రమంలో సూపర్ స్టార్ రజినీకాంత్ నటించిన 2.0 చిత్రం చైనాలో రిలీజ్ కానుంది. నిజానికి చైనాలో భారతీయ సినిమాలను రిలీజ్ చేయాలంటే అందుకు ఒక ప్రాతిపదిక ఉంటుంది. ఒక యేడాదికి ఇన్ని భారతీయ సినిమాలను మాత్రమే అక్కడ విడుదల చేయాలంటూ అక్కడి ప్రభుత్వం అనుమతినిస్తుంది. ఆ రేషన్‌లో అక్కడ విడుదలైన 'దంగల్' వసూళ్ల పరంగా ఎలాంటి రికార్డును సృష్టించిందో తెలిసిందే. ఆ తర్వాత రజనీ తాజా చిత్రం '2.0' కి అక్కడ ప్రదర్శించడానికి అనుమతి లభించింది.
 
వచ్చే ఏడాది ఈ సినిమాను అక్కడ విడుదల చేయడానికి ముందుగానే బెర్త్‌ను ఖరారు చేసుకున్నారు. చైనాలోను రజనీకాంత్ కి పెద్ద సంఖ్యలోనే ఫ్యాన్స్ ఉన్నారు. అందువలన ఈ సినిమాను అక్కడ దాదాపు 16 వేల థియేటర్స్‌లో విడుదల చేయనున్నట్టు సమాచారం. ఐ మ్యాక్స్ వెర్షన్‌తో పాటు త్రీడీ వెర్షన్‌ను కూడా విడుదల చేయనున్నారు. ఇక ఈ సినిమా అక్కడ ఏ రేంజ్‌లో దూసుకుపోతుందో .. ఏ స్థాయి వసూళ్లను రాబడుతుందో వేచి చూడాల్సివుంది. 
About Writer
pnr
ఠాగూర్ పులపాక ప్రముఖ దినపత్రిక ఈనాడు, చెన్నై కార్యాలయంలో 'న్యూస్ కాంట్రిబ్యూటర్‌'గా జర్నలిజం ఓనమాలు నేర్చుకున్నారు. హైదరాబాద్ కార్యాలయంలో 'ఆంధ్రజ్యోతి' సబ్-ఎడిటర్ పని చేశారు. 2007 నుంచి 'వెబ్ దునియా'లో అసిస్టెంట్ ఎడిటర్‌‌గా విధులు నిర్వహిస్తున్నారు..... మరింత చదవండి
తర్వాతి కథనం
‘రావణా బాక్సాఫీసు సింహాసనా’... 'జై లవ కుశ' కలెక్షన్స్ వర్షం