మోహన్ లాల్ హీరో.. అల్లు శిరీష్ ప్రత్యేక పాత్రలో... "1971 - భార‌త స‌రిహ‌ద్దు"
ప్రతి స‌మ‌స్య‌కి యుద్ధం స‌మాధానం కాదు. యుద్ధం లేని ప్ర‌పంచాన్ని చూడాలనుకునే ఓ మేజ‌ర్ క‌థే ఈ "1971 భార‌త స‌రిహ‌ద్దు" చిత్రం. 1971వ సంవ‌త్సరంలో పాకిస్థాన్‌కి, భార‌త‌దేశానికి మ‌ధ్య జ‌రిగిన యుద్ధ నేప‌థ్
ప్రతి స‌మ‌స్య‌కి యుద్ధం స‌మాధానం కాదు. యుద్ధం లేని ప్ర‌పంచాన్ని చూడాలనుకునే ఓ మేజ‌ర్ క‌థే ఈ "1971 భార‌త స‌రిహ‌ద్దు" చిత్రం. 1971వ సంవ‌త్సరంలో పాకిస్థాన్‌కి, భార‌త‌దేశానికి మ‌ధ్య జ‌రిగిన యుద్ధ నేప‌థ్యంలో ఈ క‌థాంశం న‌డుస్తుంది. అంతేకాదు ఆ యుధ్ధం జ‌రిగిన ప్ర‌దేశంలోనే ఈ చిత్రాన్ని చిత్రీక‌రించ‌టం విశేషం. రియ‌ల్‌గా యుధ్ధ ట్యాంకులను వినియోగించి చిత్ర షూటింగ్ చేశారు. సరిహద్దుల్లోని ప్రతి సైనికుడు త‌మ క‌ర్త‌వ్యాన్ని దైవంలా భావించి వారి ప్రాణాల‌ను సైతం లెక్క‌పెట్ట‌కుండా దేశ‌ర‌క్ష‌ణ కోసం ఎలా ప‌ని చేస్తార‌నేది ఈ చిత్రంలోని ముఖ్య క‌థాంశం.
ఈ చిత్రాన్నిమ‌ల‌యాళంలో మంచి చిత్రాల ద‌ర్శ‌కుడు, న‌టుడు అంత‌కుమించి మాజీ భార‌త సైనికాధికారి మేజ‌ర్ ర‌వి ద‌ర్శ‌క‌త్వం వహించారు. మ‌ల‌యాళ సూప‌ర్‌స్టార్ మెహ‌న్‌లాల్ హీరోగా న‌టించారు. మ‌రో ముఖ్య‌మైన పాత్రలో అల్లు శిరీష్ న‌టించారు. ఈ చిత్రం మొద‌టి లుక్‌ని అతి త్వ‌ర‌లో విడుద‌ల చేయ‌నున్నారు. భార‌త‌దేశంలో అన్ని భాష‌ల్లో ఏక‌కాలంలో విడుద‌ల కానుంది. ప్రతి భార‌తీయుడు చూడ‌వ‌ల‌సిన తెలుసుకోవ‌ల‌సిన చిత్రం ఈ 1971 భార‌త స‌రిహ‌ద్దు. ఈ చిత్రాన్ని తెలుగులో శ్రీ శ్రీనివాస ఆర్ట్ పిక్చ‌ర్స్ బ్యాన‌ర్‌పై, పూజా కాత్యాయ‌ని నిర్మిస్తున్నారు.
