"ఆచార్య'' లాహె..లాహె... అదుర్స్ రికార్డ్.. 35 మిలియన్ల వ్యూస్‌
మెగాస్టార్‌ చిరంజీవి కథానాయకుడిగా నటిస్తున్న చిత్రం 'ఆచార్య'. కొరటాల శివ దర్శకత్వంలో సురేఖ కొణిదెల సమర్పణలో మ్యాట్నీ ఎంటర్‌టైన్‌మెంట్, కొణిదెల ప్రొడక్షన్ కంపెనీ కలిసి సంయుక్తంగా నిర్మిస్తున్నాయి.
యాక్షన్‌ డ్రామాగా తెరకెక్కుతున్న ఈ చిత్రంలో కాజల్‌ కథానాయిక నటిస్తుండగా రామ్‌చరణ్‌ కీలక పాత్ర పోషిస్తున్నారు. ఆ ఆమధ్య చిత్రం నుంచి 'లాహె..లాహె...' అంటూ సాగే లిరికల్ వీడియో సాంగ్‌ని విడుదల చేశారు.
ప్రస్తుతం ఈ పాట చిరు అభిమానులతో పాటు ప్రేక్షకులను ఎంతగానో ఆకట్టుకుంది. తాజాగా ఈ పాట యూట్యాబ్‌లో 35 మిలియన్ల వ్యూస్‌ని సొంతం చేసుకుంది.
రామజోగయ్య శాస్త్రి కలం నుంచి జాలువారిన ఈ గీతానికి హారిక నారాయణ్‌, సాహితి చాగంటి గొంతులు సవరించగా మణిశర్మ సంగీతం అందించారు. పాట ఇప్పటికే సామాజిక మాధ్యమాల వేదికగా ప్రశంసలు అందుకుంటోంది.
ఈ చిత్రానికి నిరంజన్‌రెడ్డి, రామ్‌చరణ్‌ నిర్మాతలు. వాస్తవంగా ఈ చిత్రం మే13న ప్రేక్షకుల ముందుకు రావాల్సింది. కానీ కరోనా కారణంగా వాయిదా పడింది.
