1. వినోదం
  2. తెలుగు సినిమా
  3. కథనాలు
  4. Actor sampoornesh babu interesting comments about his health issues

సంపూర్ణ ఆరోగ్యంతో ఉన్నాను... మూడు చిత్రాల్లో నటిస్తున్నాను : సంపూర్ణేష్ బాబు

martin luther king
తాను అనారోగ్యం బారినపడినట్టు గత కొంతకాలంగా సాగుతున్న ప్రచారంపై హీరో సంపూర్ణేష్ బాబు స్పందించారు. తన ఆరోగ్యంపై వస్తున్న వార్తల్లో రవ్వంత కూడా నిజం లేదని స్పష్టం చేశారు. తాను సంపూర్ణ ఆరోగ్యంతో ఉన్నట్టు చెప్పారు. పైగా, తాను ప్రస్తుతం మూడు చిత్రాలు విడుదలకు సిద్ధంగా ఉన్నాయని తెలిపారు. వీటిలో ఒకటి "మార్టిన్ లూథర్ కింగ్" ఒకటి వివరించారు.
 
ఇక ఇండస్ట్రీలో కొందరు కావాలనే సంపూని తొక్కేస్తున్నారని, అందుకే పెద్దగా సినిమాలు చేయడం లేదనే టాక్ వినిపిస్తుంది కదా అనే ప్రశ్నకు సంపూర్ణేష్ బాబు సమాధానమిస్తూ, ఆ వార్తల్లో ఏమాత్రం నిజం లేదని చెప్పారు. తనతో అందరూ బాగనే ఉన్నారని, తనకు ఇండస్ట్రీలో ఎలాంటి ఇబ్బందులు ఎదురుకాలేదని ఆయన చెప్పారు. 
 
కాగా, తమిళంలో యోగిబాబు హీరోగా నటించిన "మండేలా" చిత్రం సూపర్ డూపర్ హిట్ అయింది. ఈ చిత్రాన్ని తెలుగులోకి "మార్టిన్ లూథర్ కింగ్" పేరుతో రీమేక్ చేశారు. యోగిబాబు పాత్రను సంపూర్ణేష్ బాబు పోషించారు. ఈ చిత్రం ఈ నెల 27వ తేదీన ప్రేక్షకుల ముందుకురానుంది. 
తర్వాతి కథనం
రవితేజ, గోపీచంద్ మలినేని కాంబోలో నాల్గవ సినిమా ప్రారంభం