హనుమాన్ 250 కోట్ల క్లబ్ లో చేరడంపై చిత్ర టీమ్ సంబరాలు

Written By: డీవీ

Updated: Sat, 27 Jan 2024 (11:12 IST)

hanuman collection poster

ప్రశాంత్ వర్మ దర్శకత్వం వహించిన హనుమాన్ చిత్రం భక్తి యొక్క మహాశక్తి ప్రపంచ వేదికపై ఆవిష్కరించబడింది.  పదిహేను రోజుల్లో 250 కోట్ల క్లబ్ లో చేరడంపై చెప్పలేని ఆనందంతో వున్నారు. ఈరోజు హైదరాబాద్ లో ఓ హోటల్ లో విజయాన్ని తమ టీమ్ తో పంచుకోనున్నారు. సంక్రాంతికి అగ్ర హీరోల సినిమాలను ఎదుర్కొని హనుమంతుడి ప్రతాపం చూపింది. 

ఈ 15వ రోజు తెలుగు స్టేట్స్ లోనే ఐదున్నర కోట్లకి పైగా గ్రాస్ వచ్చిందని ట్రేడ్ వర్గాలు చెబుతున్నాయి. రిపబ్లిక్ డే నాడే 2 కోట్ల షేర్ మార్క్ ని క్రాస్ చేసింది. ఈరోజు, రేపు కూడా సెలవులు కావడంతో  పిల్లలు, పెద్దలు చూస్తారని తెలుస్తోంది. తేజ సజ్జ హీరోగా అమృత అయ్యర్ హీరోయిన్ గా నటించిన ఈ సినిమాకు గౌర హరీష్ సంగీతం అందించగా ప్రైమ్ షో ఎంటర్టైన్మెంట్స్ వారు నిర్మాణం వహించారు.