బుధవారం, 17 ఏప్రియల్ 2024
  1. వినోదం
  2. తెలుగు సినిమా
  3. కథనాలు
Written By ఐవీఆర్
Last Modified: గురువారం, 29 ఏప్రియల్ 2021 (18:20 IST)

వాటి సైజులు ఎంత అని అడిగాడు: ఇలియానా

సోషల్ మీడియా అందుబాటులోకి వచ్చాక కొందరు ఆకతాయిలు తమ ఇష్టమొచ్చిన కామెంట్లు చేస్తున్నారు. ముఖ్యంగా సినిమా సెలబ్రిటీలపై వాళ్లు చేసే కామెంట్లకు పలుసార్లు సినీ హీరోయిన్లు తీవ్ర అసహనానికి, బాధకు లోనవుతుంటామని చెప్తుంటారు. తాజాగా ఇలియానా కూడా తనకు గతంలో జరిగిన చేదు అనుభవాల గురించి చెప్పింది.
 
సోషల్ మీడియాలో తమ సినిమాల గురించి చాలామంది ప్రశ్నలు వేస్తే కొందరు మాత్రం బాడీ షేమింగ్ చేస్తుంటారని ఆవేదన వ్యక్తం చేసింది. కొందరు చెప్పలేని విధంగా కామెంట్లు చేస్తుంటారనీ, ఒకరు తన పిరుదల సైజు ఎంత అని అడిగాడని, అలాంటివారు కొన్ని విషయాలను ఎందుకు గ్రహించలేరో తనకు అర్థం కాదని అంది.
 
మనిషి మనిషికీ తేడాలు వుంటాయనీ, ముఖ్యంగా స్త్రీలలో జరిగే హార్మోన్ల మార్పు కారణంగా ఆకృతుల్లో తేడాలు వస్తుంటాయనీ, వాటిని కూడా తెలుసుకోకుండా నోటికి వచ్చినట్లు మాట్లాడుతుంటారని బాధ వ్యక్తం చేసింది. తొలిరోజుల్లో ఇలాంటి వ్యాఖ్యలపై మనస్తాపం చెందేదాన్ననీ, తర్వాత అలాంటి కామెంట్లను పట్టించుకోవడం మానేసానని వెల్లడించింది.