దేవర షూటింగ్ సెట్‌లో 20మంది జూనియర్ ఆర్టిస్టులపై తేనెటీగల దాడి
జూనియర్ ఎన్టీఆర్- జాన్వీ కపూర్ 'దేవర' చిత్రం ఇటీవల షూటింగ్‌లో ప్రమాదం జరిగింది. సెట్‌లో తేనెటీగలు దాడి చేయడంతో కళాకారులకు గాయాలైనట్లు తెలుస్తోంది. దాదాపు 20 మంది జూనియర్ ఆర్టిస్టులు ఈ తేనెటీగల దాడితో ఆస్పత్రి పాలైనారు.
వివరాల్లోకి వెళితే.. దేవర సినిమా షూటింగ్ ప్రస్తుతం ఆంధ్రప్రదేశ్‌లోని అల్లూరి జిల్లాలో, ప్రత్యేకంగా మోదకొండమ్మ పాదాల దగ్గర జరుగుతోంది. జూనియర్ ఆర్టిస్టులతో ఓ సన్నివేశాన్ని చిత్రీకరిస్తుండగా ఈ ఘటన జరిగినట్లు సమాచారం. ఆకస్మిక తేనెటీగ దాడి భయాందోళనకు గురి చేసింది.
పారిపోవడానికి ప్రయత్నించిన పలువురు కళాకారులకు గాయాలయ్యాయి. క్షతగాత్రులకు వెంటనే సమీపంలోని ప్రభుత్వ ఆసుపత్రికి వైద్య సహాయం అందించారు. ఈ ఘటనకు సంబంధించి దేవర టీమ్ ఇంకా అధికారిక ప్రకటన విడుదల చేయాల్సి ఉంది.
