శనివారం, 2 మార్చి 2024
  1. వినోదం
  2. తెలుగు సినిమా
  3. కథనాలు
Written By ఠాగూర్
Last Updated : ఆదివారం, 16 అక్టోబరు 2022 (13:52 IST)

తెలుగులో "కాంతార" ప్రభంజనం - మొదటి రోజు రూ.5 కోట్లు గ్రాస్

kantara
'కెజీఎఫ్' వంటి పాన్ ఇండియా హిట్ చిత్రాన్ని నిర్మించిన విజయ్ కిరగందూర్ హోంబలే ఫిలింస్‌లో నిర్మించిన తాజా చిత్రం "కాంతార". ఈ చిత్రం కన్నడ వెర్షన్ సెప్టెంబర్ 30న విడుదలై సంచలనం సృష్టించింది. తాజాగా ఈ చిత్రం తెలుగు, మలయాళ, హిందీ భాషల్లో శనివారం ప్రేక్షకుల ముందుకు వచ్చింది. కన్నడ మాదిరిగానే ఇతర భాషల్లో కూడా ఈ చిత్రం సంచలనం చూపిస్తుంది. 
 
థియేటర్స్‌లో కూర్చున్న ప్రతి ప్రేక్షకుడిని ఈ సినిమా కట్టిపడేస్తుంది. రిషబ్ శెట్టి తెరకెక్కించిన ఈ చిత్రం ఇప్పుడు తెలుగు రాష్ట్రలలో సంచలనం సృష్టిస్తుంది. "కాంతార" రిలీజైన మొదటి రోజే రూ.5 కోట్లు గ్రాస్ సాధించింది. 
 
ముఖ్యంగా ఈ "కాంతార"  క్లైమాక్స్ గురించి చెప్పాలంటే వర్ణనాతీతం. చివరి 20 నిమిషాలు అరాచకానికి అర్ధం చూపించాడు. అప్పటివరకు మాములుగా సాగుతున్న సినిమాను క్లైమాక్స్‌లో వేరే లెవెల్‌కి తీసుకెళ్లాడు. థియేటర్‌లో కూర్చున్న ప్రతి ప్రేక్షకునికి ఒళ్ళు గగుర్పుడిచేలా ఈ చిత్ర క్లైమాక్స్‌ను మలిచాడు. 
 
తనలో ఉన్న దర్శకుడుని నటుడు డామినేట్ చేశాడు అనేంతలా ప్రేక్షకుడికి మర్చిపోలేని విజువల్ ట్రీట్ ఇచ్చాడు. సినిమా చూసిన ప్రతి ఒక్కరు "కాంతార" క్లైమాక్స్ గురించి ప్రస్తావించకుండా ఉండలేరు. ఇప్పటికే కన్నడలో సంచలనం సృష్టించిన ఈ చిత్రం, తెలుగులో కూడా అదే మాదిరిగా విజయఢంకాను మోగిస్తుంది.