జెమిని స‌మ‌ర్ప‌ణ‌లో బహుభాషా చిత్రం రేంజ్ ప్రారంభం
జెమిని ప్రొడక్షన్ యువ ప్రతిభను ప్రోత్సహించాలనే ఉద్దేశ్యంతో కొన్ని ఆసక్తికరమైన కంటెంట్-ఆధారిత సినిమాలను రూపొందించడానికి స‌మాయుక్త‌మైంది, అందులో భాగంగా సినీ ప్రేక్షకులకు కొత్త కంటెంట్‌ను అందించడానికి ప్రణాళికలు ర‌చిస్తోంది. ఈ రోజు వారి కొత్త ప్రొడక్షన్ ను ప్ర‌క‌టించారు. భవిష్యత్తు మ‌రిన్ని వెంచ‌ర్‌ల‌ను ప్ర‌క‌టించనున్నారు.
తెలుగు, తమిళం, మలయాళం కన్నడ భాషలలో బహుభాషా ప్రాజెక్ట్ గా రూపొందుతున్న ఈ డిఫ‌రెంట్‌ యాక్షన్ ఎంటర్టైనర్ రేంజ్ లో హీరో చైతన్య వంశీ ప్రధాన పాత్ర పోషిస్తున్నారు.
జెమిని స‌మ‌ర్ప‌ణ‌లో య‌శ్విత ఎంట‌ర్‌టైన్‌మెంట్స్ ప‌తాకంపై గుడాల న‌వీన్ ఈ చిత్రాన్ని నిర్మిస్తున్నారు. హేమంత్ ద‌ర్శ‌కుడిగా ప‌రిచ‌య‌మ‌వుతున్న ఈ మూవీ ఈ రోజు పూజా కార్య‌క్ర‌మాల‌తో ప్రారంభ‌మైంది. ముహూర్త‌పు స‌న్నివేశానికి జెమిని సీఈఓ పీవీఆర్ మూర్తి క్లాప్ నిచ్చారు.
ఈ చిత్రానికి `రేంజ్` అనే టైటిల్ తో పాటు ఫ‌స్ట్‌లుక్ పోస్ట‌ర్‌ను రిలీజ్ చేశారు మేక‌ర్స్‌. ఈ పోస్ట‌ర్‌లో వంశీ రక్తంలో త‌డిసి యాక్షన్ అవ‌తారంలో కనిపిస్తున్నారు. అతడి చేతిలో చైన్ సా( chain saw)ని మ‌నం చూడొచ్చు. రేంజ్ అనే టైటిల్ ఆస‌క్తిక‌రంగా ఉండ‌డంతో పాటు ఈ సినిమా ఒక హై ఇంటెన్స్ యాక్షన్ ఎంటర్టైనర్ అని అర్ధ‌మ‌వుతోంది.
శక్తికాంత్ కార్తీక్ ఈ చిత్రానికి సంగీతం అందిస్తుండగా, లక్ష్మీకాంతం కనికే బి.ఎఫ్ఎ సినిమాటోగ్రఫీని నిర్వహిస్తున్నారు. గౌతం రాజు ఎడిటర్. ఈ సినిమా షూటింగ్ నవంబర్ చివరి వారం నుండి ప్రారంభమవుతుంది. ఇందులో కొందరు ప్రముఖ నటులు కీలక పాత్రల్లో కనిపించనున్నారు.
