టిక్కెట్ రేట్లపై చైతూ ఏమన్నాడంటే?
టాలీవుడ్ స్టార్ కపుల్ సమంత-చైతూలు విడాకులు తీసుకున్న సంగతి తెలిసిందే. తాజాగా చైతూ సమంతతో విడాకులపై స్పందించాడు నాగచైతన్య. తను విడాకులు తీసుకుంటానని చెప్పినప్పుడు, కుటుంబం నుంచి తనకు మంచి సపోర్ట్ దక్కిందని చెప్పుకొచ్చాడు చైతూ. బంగార్రాజు సినిమా ప్రమోషన్‌లో భాగంగా ఈ వ్యాఖ్యలు చేశాడు.
మరోవైపు ఏపీలో తగ్గించిన టికెట్ రేట్లపై కూడా చైతూ రియాక్ట్ అయ్యాడు. టికెట్ రేట్లు తగ్గిస్తూ జీవో విడుదలైన టైమ్‌కు బంగార్రాజు సినిమా సెట్స్‌పైకి రాలేదని, తగ్గించిన టికెట్ రేట్లకు తగ్గట్టే బడ్జెట్‌ను సెట్ చేసుకొని సినిమా పూర్తిచేశామన్నాడు.
అలాగే టికెట్ల రేట్లపై హీరో బాలకృష్ణ కీలక వ్యాఖ్యలు చేశారు. టికెట్ల రేట్లపై అందరం కలిసి చర్చ పెట్టాలని అన్నారు. చర్చల ప్రతిపాదనలను ప్రభుత్వం దృష్టికి తీసుకువెళ్లాలని సూచించారు. టికెట్ల రేట్లు ప్రధాన సమస్యగా ఉందని, ఇండస్ట్రీ గోడును వినిపించుకునే నాథుడే లేడన్నారు. ఇప్పుడైన ప్రభుత్వం ఇండస్ట్రీ వారి అభిప్రాయాలను తీసుకోని టికెట్ల రేట్లపై సమస్యను పరిష్కరించాలని కోరారు.
