జానీ మూవీ రీమేక్ చేస్తున్న నాగ్..!
నాగార్జున... జానీ మూవీ రీమేక్ చేయ‌డం ఏంటి అనుకుంటున్నారా..? విషయం ఏంటంటే... నాగార్జున.. నాని మల్టీస్టారర్‌గా ఓ సినిమా వస్తున్న సంగతి తెలిసిందే. శ్రీరామ్ ఆదిత్య ఈ సినిమాకు దర్శకత్వం వహిస్తున్నారు. మాములుగా దర్శకులు ఇంగ్లీషు సినిమాలను చూసి ఇన్స్పైర్ అ
నాగార్జున... జానీ మూవీ రీమేక్ చేయ‌డం ఏంటి అనుకుంటున్నారా..? విషయం ఏంటంటే... నాగార్జున.. నాని మల్టీస్టారర్‌గా ఓ సినిమా వస్తున్న సంగతి తెలిసిందే. శ్రీరామ్ ఆదిత్య ఈ సినిమాకు దర్శకత్వం వహిస్తున్నారు. మాములుగా దర్శకులు ఇంగ్లీషు సినిమాలను చూసి ఇన్స్పైర్ అయ్యి కథలు రాసుకుంటూ ఉంటారు. అయితే... శ్రీరామ్ ఆదిత్య మాత్రం బాలీవుడ్‌లో వచ్చిన జానీ గద్దర్ సినిమాను ఇన్స్పిరేషన్‌గా తీసుకొని సినిమా చేస్తున్నాడు అని తెలిసింది.
జానీ గద్దర్ ఇన్స్పిరేషన్‌తోనే కథను తయారుచేసుకున్నట్టుగా శ్రీరామ్ నాగార్జునకు, నానికి ముందుగానే తెలియజేశాడట. విషయం దాచిపెట్టి తరువాత ఎప్పుడో చెప్పడంకంటే.. ముందుగానే చెప్పడం మంచిది అనే ఉద్దేశ్యంతో శ్రీరామ్ ఆదిత్య ఈ నిర్ణయం తీసుకున్నాడు. ఈ సినిమాకు సంబంధించిన షూటింగ్ ఇప్పటికే చాలావరకు పూర్తయింది.
ప్ర‌స్తుతం హైదరాబాద్ సార‌థి స్టూడియోలో షూటింగ్ జ‌రుపుకుంటోంది. ఈ సినిమాలో రష్మిక, ఆకాంక్ష సింగ్‌లు హీరోయిన్లుగా నటిస్తున్నారు. మణిశర్మ సంగీతం అందిస్తున్నారు. వినాయ‌క చ‌వితి సంద‌ర్భంగా ప్రేక్ష‌కుల ముందుకు వ‌చ్చేందుకు రెడీ అవుతోంది.
