ప్రేమ విఫలం.. పవిత్రబంధం నటి ఝాన్సీ ఉరేసుకుని ఆత్మహత్య..
ఈ మధ్య బుల్లితెర నటీమణులు ఆత్మహత్యకు పాల్పడే ఘటనలు పెచ్చరిల్లిపోతున్నాయి. ప్రేమతో పాటు ఇతరత్రా కారణాలతో నటీమణులు మనస్తాపానికి గురై ఆత్మహత్యకు పాల్పడుతున్నారు. తాజాగా తెలుగు టీవీ నటి, పవిత్ర బంధం ఫేమ్ ఝాన్సీ ఆత్మహత్య చేసుకుంది. ఝాన్సీ ఆత్మహత్య బుల్లితెర నటీనటులకు దిగ్భ్రాంతికి గురిచేసింది.
హైదరాబాదులోని శ్రీనగర్‌లో నివసిస్తున్న ఆమె ఇంట్లో ఉరేసుకుందని పోలీసులు చెప్తున్నారు. ఓ యువకుడిని ప్రేమించిన ఝాన్సీ.. ఆ ప్రేమ విఫలం కావడంతో ఆత్మహత్యకు పాల్పడి వుంటుందని పోలీసులు అనుమానం వ్యక్తం చేస్తున్నారు. ఈ ఘటనపై కేసు నమోదు చేసుకున్న పోలీసులు పవిత్ర బంధం ఝాన్సీ బలవన్మరణానికి గల కారణాలపై దర్యాప్తు చేపట్టారు.
