"కాలా" విడుదల చేస్తే కన్నడనాట అల్లర్లు చెలరేగుతాయ్.. అందుకే నిషేధం
తమిళ సూపర్ స్టార్ రజినీకాంత్ నటించిన తాజా చిత్రం కాలా. ఈ చిత్రం వచ్చే నెల ఏడో తేదీన ప్రపంచ వ్యాప్తంగా విడుదల కానుంది. పా రంజిత్ దర్శకత్వం వహించిన ఈ చిత్రం ట్రైలర్ తాజాగా రిలీజ్ చేశారు. అలాగే, ప్రమోషన్
తమిళ సూపర్ స్టార్ రజినీకాంత్ నటించిన తాజా చిత్రం కాలా. ఈ చిత్రం వచ్చే నెల ఏడో తేదీన ప్రపంచ వ్యాప్తంగా విడుదల కానుంది. పా రంజిత్ దర్శకత్వం వహించిన ఈ చిత్రం ట్రైలర్ తాజాగా రిలీజ్ చేశారు. అలాగే, ప్రమోషన్ కార్యక్రమాల్లో కూడా చిత్ర యూనిట్ బిజీగా ఉంది. అయితే, ఈ చిత్ర యూనిట్‌కు కన్నడ చిత్ర పరిశ్రమ తేరుకోలేని షాకిచ్చింది.
కాలా చిత్రాన్ని కన్నడనాటి విడుదల చేయడానికి అనుమతించబోమని తేల్చి చెప్పింది. కాలా చిత్రం విడుదల చేయడం వల్ల కర్ణాటక రాష్ట్రంలో అల్లర్లు చెలరేగుతాయని అభిప్రాయపడింది. దీంతో ఈ చిత్రం కన్నడనాట విడుదల అనుమానంగా మారింది.
ఇటీవలి రజినీకాంత్ కావేరీ వివాదంపై తమిళనాడుకు అనుకూలంగా మాట్లాడారు. ఇది కన్నడికులకు తీవ్ర ఆగ్రహం తెప్పించింది. దీంతో కాలా సినిమాను కన్నడనాట బ్యాన్ చేశారు. కర్ణాటకలో రజనీకాంత్ సినిమాలు ఆడనివ్వబోమని కర్ణాటక ఫిల్మ్ ఛాంబర్ ఆఫ్ కామర్స్ అధ్యక్షుడు సారా గోవింద్ హెచ్చరించారు. అలాగే, రజినీకాంత్ సినిమాను విడుదల చేయొద్దని ఆయన థియేటర్స్ యజమానులకు, డిస్టిబ్యూటర్లకు విజ్ఞప్తి చేశారు.
కావేరీ వివాదంపై రజినీ చేసిన వ్యాఖ్యలతో కన్నడ ప్రజలు చాలా ఆగ్రహంగా ఉన్నారని.. ఇప్పుడు కాలా సినిమా కాలా విడుదల చేస్తే అల్లర్లు జరిగే అవకాశం ఉందని ఆందోళన వ్యక్తంచేశారు. డిస్ట్రిబ్యూటర్లు ఈ సినిమా విడుదల కాకుండా చూడాలని కూడా కోరారు.
ఇకపోతే, జూన్ 7వ తేదీ తమిళం, తెలుగు, హిందీ, కన్నడ, మళయాళం భాషల్లో ప్రపంచవ్యాప్తంగా కాలా మూవీ విడుదలకు సన్నాహాలు జరుగుతున్నాయి. కానీ, ఒక్క కర్ణాటకలో మాత్రం బ్రేక్ పడే అవకాశం ఉంది. ఇప్పటికే భారీ మొత్తంలో ఈ మూవీ అక్కడ అమ్ముడుపోయింది.
ఇప్పుడు కావేరి జల వివాదం అంశాన్ని తెరపైకి తేవటంతో పెట్టుబడి పెట్టిన డిస్ట్రిబ్యూటర్లు ఆందోళన వ్యక్తం చేస్తున్నారు. సినిమా - రాజీకీయాలు వేర్వేరని.. రెండింటికీ ముడిపెట్టొద్దని డిస్ట్రిబ్యూటర్లు కోరుతున్నారు. అయినప్పటికీ కేఎఫ్‌సీసీ ప్రతినిధులు పట్టించుకునే పరిస్థితిలో లేరు.
