సెప్టెంబర్ 3న అప్పుడు ఇప్పుడు విడుదల

Written By: ముర‌ళీకృష్ణ‌

Updated: Sat, 28 Aug 2021 (18:36 IST)

Suzen, Thanishq Rajan

సుజన్, తనీష్క్ హీరో హీరోయిన్లుగా యు.కె.ఫిలింస్ బేనర్ పై ఉషారాణి కనుమూరి, విజయ రామకృష్ణం రాజు నిర్మాత‌లుగా చలపతి పువ్వల దర్శకత్వంలో తెరకెక్కుతోన్న చిత్రం `అప్పుడు-ఇప్పుడు`. శివాజీరాజా, పేరుపు రెడ్డి శ్రీనివాస్, చైతన్య ముఖ్య పాత్రల్లొ నటిస్తున్నారు. ఫీల్ గుడ్ కామెడీ ఎంటర్ టైనర్ రూపొందిన ఈ చిత్రం అన్ని కార్యక్రమాలు పూర్తీ చేసుకుని విడుదలకు సిద్ధంగా ఉంది . ఇటీవల కె. రాఘవేంద్రరావు విడుదలైన పాటకు మంచి రెస్పాన్స్ వస్తోంది. లేటెస్ట్ గా మూవీ టీజర్ ను డాషింగ్ డైరెక్టర్ పూరి జగన్నాథ్ విడుదల చేశారు. 

ఈ సందర్బంగా చిత్ర నిర్మాతలు మాట్లాడుతూ, మా సినిమాకు ప్ర‌ముఖుతు మంచి సపోర్ట్ అందించారు. ఈ టీజర్ తో అభిమానుల్లో కానీ అటు ట్రేడ్ వర్గాల్లో మంచి బజ్ ఏర్పడింది. దర్శకుడు చలపతి చాలా అద్భుతంగా తెరకెక్కించాడు. అన్ని రకాల కమర్షియల్ హంగులతో తెరకెక్కిన ఈ సినిమా అన్ని కార్యక్రమాలు పూర్తీ చేసుకుని వచ్చే నెల 3న విడుదల చేస్తున్నాం అన్నారు.

దర్శకుడు చలపతి పువ్వల మాట్లాడుతూ, ఇది ఒక ఫీల్ గుడ్ కామెడీ ఎంటర్ టైనర్. హీరో హీరోయిన్లు కొత్తవారే అయినా పూర్తి సహకారం అందించారు. మేకింగ్ లో ఎక్కడా రాజీప‌డ‌కుండా ఈ చిత్రాన్ని తెర‌కెక్కించాం. కళ్యాణ్ సమి విజువల్స్, పద్మనావ్ భరద్వాజ్ సంగీతం మా సినిమాకు మంచి అసెట్ అన్నారు.