టైటిల్ & ఫస్ట్ లుక్ త్వరలో విడుదల కానున్న రవితేజ 76వ చిత్రం
మాస్ మహారాజ్ రవితేజ తాజా సినిమా ‘మాస్ జాతర’. ఈ సినిమాను విడుదల చేయడానికి సన్నాహాలు జరుగుతున్నాయి. మరోవైపు కొత్త సినిమాకుశ్రీకారం చుట్టారు. తన 76వ సినిమా ఇటీవలే ప్రారంభమైంది. దానికి సంబంధించిన షూటింగ్ హైదరాబాద్ శివార్లో ప్రారంభమైంది. అందులో రవితేజ ఎంట్రీ ఇచ్చారు. కిషోర్ తిరుమల డైరెక్షన్‌లో రవితేజ చేస్తున్న ఈ సినిమా గురించి తాజా అప్ డేట్ తో ఫొటో విడుదలచేసింది చిత్ర టీమ్.
ఒక అద్భుతమైన ఎంటర్టైనర్ లోడ్ అవుతోంది. టైటిల్ & ఫస్ట్ లుక్ త్వరలో విడుదల కానుంది. సంక్రాంతి 2026 లో విడుదలచేయనున్నామంటూ ఓ స్టిల్ పోస్ట్ చేశారు. ఈ సినిమా టాకీ పార్ట్‌లో భాగంగా పలు కీలక సన్నివేశాలను చిత్రీకరించనున్నారు. ఈ సినిమాకు భీమ్స్ సిసిరోలియో సంగీతం అందిస్తుండగా హీరోయిన్‌ పేరునూ త్వరలో ప్రకటించనున్నారు. ఎస్ఎల్వీ సినిమాస్ బ్యానర్‌పై సుధాకర్ చెరుకూరి నిర్మిస్తున్నారు.
