బైకును నడుపుతూ.. ప్రేయసిని ముందు కూర్చోబెట్టుకుని ముద్దు ముచ్చట.. వీడియో వైరల్
ప్రేమికులు ఎక్కడ పడితే అక్కడ రొమాన్స్ కానిచ్చేస్తున్నారు. సినిమా థియేటర్లు, బీచ్‌లు, పార్కుల్లో గంటల పాటు మాట్లాడుకోవడాలే కాకుండా రొమాన్స్ కానిచ్చేస్తున్నారు.
తాజాగా ఓ ప్రేమ జంట నడుస్తున్న బైకులో ఓవరాక్షన్ చేసింది. ఓ యువకుడు బైకును నడుపుతూ తనకు ముందు తన ప్రేయసిని కూర్చోబెట్టుకున్నాడు.. ప్రేయసి ముద్దులిస్తుంటే.. హ్యాపీగా రొమాన్స్ చేస్తూ బండిని నడిపాడు. ఈ తతంగం మొత్తం సీసీటీవీలో రికార్డ్ అయ్యింది. ఈ వీడియో ప్రస్తుతం నెట్టింట వైరల్ అవుతోంది.
సినీ ఫక్కీల్లో హీరోలు తన ప్రేయసిని బైకుకు ముందుకు కూర్చోబెట్టుకుని నడిపేలా ఆ యువకుడు కూడా చేశాడు. ఈ వ్యవహారం దేశ రాజధాని ఢిల్లీలో చోటుచేసుకుంది. ఢిల్లీ రోడ్లు ఎప్పుడూ రద్దీగా వుంటాయి. అలాంటి రోడ్డుపై ప్రేయసిని ముందు తనవైపు చూసేలా కూర్చోబెట్టుకున్న యువకుడు బైకును నడిపాడు. తన ప్రేయసికి ఆ ప్రేమికుడు ముద్దులిస్తున్నాడు.
ఆమె అతనిని కౌగిలించుకుంటోంది. ఈ వీడియో ప్రస్తుతం సోషల్ మీడియాలో వైరల్ అుతోంది. అలా అభ్యంతరకరంగా నడి రోడ్డుపై ఆ ప్రేమ జంట చేసిన చేష్టలకు నెటిజన్లు మండిపడుతున్నారు. అంతేగాకుండా బైకును నడుపుతూ.. ఢిల్లీ రోడ్డుపై ఇలాంటి వ్యవహారాలు ప్రాణాల మీదకు వస్తాయని ఫైర్ అవుతున్నారు. ఈ ప్రేమ జంటకు ఢిల్లీ పోలీసులు తగిన శిక్ష ఇవ్వాలని నెటిజన్లు డిమాండ్ చేస్తున్నారు.
ఈ నేపథ్యంలో ఢిల్లీ పోలీసు కూడా ఈ వీడియోను తన ట్విట్టర్ పేజీలో నెటిజన్లు పోస్టు చేయడంతో సదరు ప్రేమ జంటపై ఫైర్ అయ్యారు. వీరిపై చట్టపరమైన చర్యలు తీసుకుంటామని హామీ ఇచ్చారు. ఈ వీడియో ఆధారంగా ప్రేమికులను పోలీసులు గాలిస్తున్నారు. వీరిపై రవాణా చట్టం ప్రకారం 279 సెక్షన్ కింద కేసు నమోదు చేసే అవకాశం వున్నట్లు తెలుస్తోంది. ఇదే కనుక జరిగితే ఆ ప్రేమ జంటకు ఆరు నెలల జైలు శిక్ష, రూ.1000ల జరిమానా విధించవచ్చునని సమాచారం.
