విజయవాడ చిన్నారికి మంకీపాక్స్ కాదు.. చర్మంపై దద్దుర్లే
దుబాయ్ నుంచి హైదరాబాద్ మీదుగా విజయవాడకు వచ్చిన ఓ బాలికకు మంకీపాక్స్ సోకినట్టు ప్రచారం జరిగింది. దీంతో ఆ చిన్నారిని ప్రభుత్వ ఆస్పత్రికి తరలించి ఐసోలేషన్ వార్డులో ఉంచారు. అలాగే, ఆ చిన్నారి కుటుంబ సభ్యులను కూడా ఐసోలే‌షన్‌కు ఉంచారు. అదేసమయంలో ఆ చిన్నారి నుంచి నమూనాలు సేకరించి పూణెలోని వైరాలాజీ ల్యాబ్‌కు పంపించారు
అక్కడ జరిగిన ప్రయోగాల్లో ఆ చిన్నారికి సోకింది మంకీపాక్స్ కాదని చర్మంపై దద్దుర్లేనని తేలింది. ఈ విషయాన్ని విజయవాడ వైద్యులు వెల్లడించారు. దీంతో రాష్ట్ర వైద్య ఆరోగ్య శాఖ యంత్రాంగం ఊపిరిపీల్చుకుంది. కాగా, కేరళలో మంకీపాక్స్ కేసు వెలుగు చూసిన విషయం తెల్సిందే. దీంతో దీన్ని అరికట్టేందుకు అన్ని రాష్ట్ర ప్రభుత్వాలు అప్రమత్తమయ్యాయి.
