విజయనగరంలో ఓ యువతిపై జరిగిన అత్యాచార ఘటనపై జిల్లా ఎస్పీ దీపికా పాటిల్ వివరణ ఇచ్చారు. బాధితురాలు తన స్నేహితుడితో కలిసి ఇంట్లో ఉన్న సమయంలో మరో యువకుడు వచ్చి అత్యాచారానికి పాల్పడ్డారని ఆమె ఆరోపించారు. ఈ కేసులో ఇప్పటికే నిందితుడిని అరెస్టు చేశామని, ఈ ఘటనపై పూర్తి స్థాయిలో దర్యాప్తు జరిపి ఘటనతో సంబంధం ఉన్న వారిని ఒక్కరిని కూడా వదిలిపెట్టమని హెచ్చిరంచారు. నగరంలోని ఉడా కాలనీకి చెందిన ఓ యువతి తన స్నేహితుడితో కలిసి ఇంట్లో ఉన్న సమయంలో ఈ దారుణం జరిగిందన్నారు. బాధితురాలి ఇంటికి ఇద్దరు వ్యక్తులు వచ్చారని, వారిలో ఓ యువకుడు యువతిపై అత్యాచారానికి పాలపడ్డారని చెప్పారు. ఈ అత్యాచానికి పాల్పడిన యువకుడు విజయనగరానికి చెందిన వాడేనని చెప్పారు. బాధితురాలి ఫిర్యాదు మేరకు ఈ ఘటనలో ప్రమేయం ఉన్న అందరిపైనా కేసులు నమోదు చేస్తామని ఎస్పీ వెల్లడించారు.
