1. వార్తలు
  2. తెలుగు వార్తలు
  3. తెలుగు వార్తలు
  4. Amaravati JAC decided for maha Padayatra from november 1st

నవంబరు 1 నుంచి అమరావతి రైతుల మహాపాదయాత్ర

Amaravati JAC
ఆంధ్రప్రదేశ్ రాష్ట్ర రాజధాని తరలింపును నిరసిస్తూ గత యేడాదన్నర కాలానికిపైగా ఉద్యమం చేస్తున్న అమరావతి రైతులు వచ్చే నెల ఒకటో తేదీ నుంచి మహాపాదయాత్ర చేపట్టాలని నిర్ణయించారు. ఇందులోభాగంగా ఆదివారం వెలగపూడిలో అమరావతి జేఏసీ నేతలు సన్నాహక సమావేశం నిర్వహించారు. 
 
ఇందులో మహాపాదయాత్ర విధి, విధానాలు, నిర్వహణ కమిటీల ఏర్పాటు సహా పలు విషయాలపై చర్చించారు. తుళ్లూరు నుంచి తిరుమల తిరుపతి వరకు మొత్తం 45 రోజులపాటు పాదయాత్ర నిర్వహించాలని నిర్ణయించారు. 
 
అంటే నవంబరు 1న మొదలై డిసెంబరు 17న ముగుస్తుంది. ఆ రోజు నాటికి ఉద్యమం ప్రారంభమై రెండేళ్లు పూర్తి చేసుకుంటున్న సందర్భంగా తిరుపతిలో భారీ బహిరంగ సభ నిర్వహిస్తారు.
 
మరోవైపు, రాజధానికి రైతులు ఇచ్చిన భూములకు ప్రభుత్వం వెంటనే కౌలు డబ్బులు చెల్లించాలని డిమాండ్ చేస్తూ మైనార్టీ, దళిత, యువజన జేఏసీ నాయకులు రాయపూడి సీడ్‌యాక్సెస్ రోడ్డు పక్కన ఉన్న ప్రజాప్రతినిధుల భవన సముదాయాల వద్ద నిరసన తెలిపారు. 
తర్వాతి కథనం
తెలంగాణ రాష్ట్రంలో మరొ కొత్త పార్టీ.. డాక్టర్ వినయ్ నేతృత్వంలో?