సంబంధిత వార్తలు
- నాకు తెలిసి జగన్ అసెంబ్లీలో అడుగు పెట్టరు: ఆర్ఆర్ఆర్
- ఈవీఎం ధ్వంసం : వైకాపా ఎమ్మెల్యే పిన్నెల్లి రామకృష్ణా రెడ్డి అరెస్టుకు ఈసీ ఆదేశం
- తెగిపోయిన జన్మభూమి ఎక్స్ప్రెస్ బోగీ లింక్.. తప్పిన పెను ప్రమాదం
- బంగాళాఖాతంలో అల్పపీడనం: ఏపీలో వర్షాలు
- ఏపీ అసెంబ్లీ ఎన్నికలు 2024 : 21 స్థానాల్లో జనసేన అభ్యర్థులు గెలుస్తున్నారు : నాగబాబు
మాచర్ల ఎమ్మెల్యే పిన్నెల్లి రామకృష్ణారెడ్డి అరెస్ట్
ఈవీఎం ధ్వంసం చేసిన ఘటనలో మాచర్ల ఎమ్మెల్యే పిన్నెల్లి రామకృష్ణారెడ్డిని పోలీసులు అరెస్ట్ చేసినట్లుగా తెలుస్తోంది. సంగారెడ్డి జిల్లా ఇస్నాపూర్లోని గెస్ట్ హౌజ్లో పిన్నెల్లిని అదుపులోకి తీసుకున్నారని ఆయనను ఏపీకి తీసుకువెళ్లేందుకు పోలీసులు ఏర్పాట్లు చేస్తున్నారని తెలుస్తోంది. కాగా, పిన్నెల్లి అరెస్ట్ను పోలీసులు ధృవీకరించాల్సి ఉంది.
బుధవారం సాయంత్రంలోగా పిన్నెల్లిని అరెస్ట్ చేయాలని కేంద్ర ఎన్నికల సంఘం ఆదేశించడంతో సీరియస్గా తీసుకున్న ఈసీ, పోలీసులను అలర్ట్ చేసింది. పిన్నెల్లి హైదరాబాద్లో ఉన్నట్లు అనుమానించిన పోలీసులు ముమ్మరంగా తనిఖీలు నిర్వహించారు.
ఈ క్రమంలోనే హైదరాబాద్ శివారులో పిన్నెల్లి డ్రైవర్ పోలీసుల నుండి తప్పించుకున్నారని సమాచారంతో పోలీసులు ఆ మార్గాల్లో తనిఖీలను ముమ్మరం చేశారు. ఇంకా ఆయన విదేశాలకు పారిపోయారని కూడా వార్తలు వచ్చాయి. చివరికి మాచర్ల ఎమ్మెల్యే పిన్నెల్లి రామకృష్ణారెడ్డిని అదుపులోకి తీసుకున్నట్లు వార్తలు వస్తున్నాయి.
