చంద్రబాబుకి పెద్దిరెడ్డి సవాల్.. మాకూ మీసాలు ఉన్నాయంటూ ఫైర్
ఏపీ మాజీ సీఎం చంద్రబాబు నాయుడికి మంత్రి పెద్దిరెడ్డి రామ‌చంద్రారెడ్డి సవాల్ విసిరారు. కుప్పంలో తాను గ్రానైట్ అక్ర‌మ మైనింగ్ చేసిన‌ట్టు నిరూపిస్తే రాజకీయాల నుంచి త‌ప్పుకుంటాన‌ని సవాల్ విసిరారు. చంద్రబాబు సీనియర్ శాస‌న‌స‌భ్యుడిగా ఉండి జిల్లాకు ఏం చేశాడ‌ని ప్రశ్నించారు.
14ఏళ్లు సీఎంగా వుండి ఏం చేశారని ప్రశ్నించారు. ఐదేళ్లలో వైఎస్ రాజశేఖర్ రెడ్డి ప్ర‌జ‌ల‌కు దేవుడు అయ్యార‌ని, చంద్రబాబు చిత్తూరు జిల్లాలో పుట్ట‌డం మ‌న దుర‌దృష్ట‌మ‌ని తెలిపారు. చంద్రబాబు సీఎంగా ఉన్న‌ప్పుడు మైనింగ్ రాయ‌ల్టీపై క‌న్సెష‌న్ ఎందుకు ఇచ్చార‌ని ప్రశ్నించారు.
కుప్పం ప్రజలు చంద్రబాబు ముసలి కన్నీరును నమ్మే పరిస్థితిలో లేరని పెద్దిరెడ్డి అన్నారు. చంద్రబాబు హెచ్చరికలపై స్పందించిన మంత్రి పెద్దిరెడ్డి.... తామూ ఈ జిల్లాలోనే పుట్టామని, మాకూ మీసాలు ఉన్నాయని గుర్తు చేశారు.
