కట్టుకున్న భార్యకు కాళ్లు చేతులు పడిపోతే..?
కట్టుకున్న భార్యకు కాళ్లు చేతులు పడిపోతే.. ఆ భర్త మరో మహిళను వెతుక్కుంటూ వెళ్లాడు. భార్యను పిల్లలను ఏమాత్రం పట్టించుకోలేదు. ఈ విషయాన్ని ప్రశ్నించిన భార్యను కొట్టి చంపేశాడు. ఈ ఘటన విశాఖ జిల్లాలో చోటుచే
కట్టుకున్న భార్యకు కాళ్లు చేతులు పడిపోతే.. ఆ భర్త మరో మహిళను వెతుక్కుంటూ వెళ్లాడు. భార్యను పిల్లలను ఏమాత్రం పట్టించుకోలేదు. ఈ విషయాన్ని ప్రశ్నించిన భార్యను కొట్టి చంపేశాడు. ఈ ఘటన విశాఖ జిల్లాలో చోటుచేసుకుంది.
వివరాల్లోకి వెళితే.. విశాఖ జిల్లాలోని కోరాపల్లి గ్రామానికి చెందిన కోరాబు లక్ష్మీనాయుడు‌కు సొలభం పంచాయితీ పరిధిలోని కొత్త కొండలు గ్రామానికి చెందిన జానకమ్మతో 15 ఏళ్ల క్రితం వివాహమైంది. వారికి ముగ్గురు పిల్లలున్నారు.
వ్యవసాయం చేస్తూ వీరు జీవనం సాగిస్తున్నారు. ఐదేళ్ల క్రితం జానకమ్మ అనారోగ్యానికి గురైంది. అనారోగ్యం కారణంగా జానకమ్మ కాలు, చేయి పడిపోయింది. ఈ కారణాలను దృష్టిలో ఉంచుకొని లక్ష్మీనాయుడు మరో మహిళతో వివాహేతర సంబంధాన్ని పెట్టుకొన్నాడు. ఈ వ్యవహారంపై భర్తను భార్య నిలదీసింది.
ఈ విషయమై భార్యాభర్తల మధ్య గొడవ చోటుచేసుకొంది. జానకమ్మపై లక్ష్మీనాయుడు కోపంతో కత్తితో పొడిచాడు. దీంతో ఆమె అక్కడికక్కడే మరణించింది. ఈ ఘటనపై ఆదివారం నాడు జానకమ్మ సోదరులు పోలీసులకు ఫిర్యాదు చేశారు. ఈ ఘటనపై పోలీసులు కేసు నమోదు చేసుకొని దర్యాప్తు చేస్తున్నారు. లక్ష్మీనాయుడు పరారీలో ఉన్నాడు.
