స్పుత్నిక్-వీ టీకాను భారత్ తయారు చేసుకోవచ్చు.. పుతిన్
కరోనా వ్యాక్సిన్ విషయంలో భారత్‌లోని ప్రముఖ ఫార్మా కంపెనీలు ఇతర దేశాలలోని ఫార్మా కంపెనీలతో ఒప్పందాలు కుదుర్చుకుంటూ ఉన్నాయి. తాజాగా కోవిడ్-19 వ్యాక్సిన్ స్పుత్నిక్-వీ టీకాను ఇండియా తయారు చేసుకోవచ్చని రష్యా అధ్యక్షుడు వ్లాదిమిర్ పుతిన్ స్పష్టం చేశారు. భారత్‌తో పాటు చైనా కూడా వ్యాక్సిన్‌ను ఉత్పత్తి చేసుకోవచ్చని పుతిన్ వెల్లడించినట్టు ఓ న్యూస్ ఏజన్సీ తెలిపింది.
రష్యా తయారు చేసిన వ్యాక్సిన్ ప్రజలను కరోనా నుంచి రక్షించడంలో 92 శాతం వరకూ ప్రభావవంతంగా పనిచేస్తున్నట్టు ట్రయల్స్ మధ్యంతర ఫలితాలు వచ్చాయి. ఈ వ్యాక్సిన్ ను రష్యాలో వాడేందుకు ఆగస్టులోనే పుతిన్ ప్రభుత్వం అనుమతులు మంజూరు చేసింది. అయితే పూర్తి స్థాయిలో ట్రయల్స్ పూర్తయ్యాకనే ఇతర దేశాల్లో అనుమతులు ఇవ్వనున్నారు. ఈ వ్యాక్సిన్ మీద అప్పట్లో ఓ వర్గం అనుమానాలను కూడా వ్యక్తం చేసింది.
