సోంపు వాడితే ఆ విషయంలో వందమార్కులు..!
ప్రకృతి సహజసిద్థంగా పండే వాటిలో ఎన్నో ప్రయోజనాలు ఉంటాయని వైద్య నిపుణులు చెబుతుంటారు. శరీరానికి ఎలాంటి కీడు చేయకుండా ఆరోగ్యంగానే ఉండే విధంగా సోంపు ఎంతో సహాయపడుతుందని వైద్య నిపుణులు చెబుతున్నారు. సోంపును చాలామంది మౌత్ ఫ్రెష్‌నర్‌గా ఉపయోగిస్తారు. కొంతమం
ప్రకృతి సహజసిద్థంగా పండే వాటిలో ఎన్నో ప్రయోజనాలు ఉంటాయని వైద్య నిపుణులు చెబుతుంటారు. శరీరానికి ఎలాంటి కీడు చేయకుండా ఆరోగ్యంగానే ఉండే విధంగా సోంపు ఎంతో సహాయపడుతుందని వైద్య నిపుణులు చెబుతున్నారు. సోంపును చాలామంది మౌత్ ఫ్రెష్‌నర్‌గా ఉపయోగిస్తారు. కొంతమంది తిన్న తరువాత ఆహారం జీర్ణమయ్యేందుకు సోంపును వాడుతారు. అయితే ఇదే కాదు.. ఎన్నో ఉపయోగాలున్నాయంటున్నారు వైద్య నిపుణులు. ముఖ్యంగా సోంపుతో చేసిన టీని ప్రతి రోజు తాగినట్లయితే పలు అనారోగ్య సమస్యలను దూరం చేసుకోవచ్చట.
ఒక కప్పు మరుగుతున్న నీటిలో ఒక టీ స్పూన్ సోంపు గింజలు వేసి పదినిమిషాల వరకు మరిగించాలి. ఆ తరువాత టీ నుంచి సోంపు గింజలను వడబోసి ఆ నీటిని తాగాలి. ప్రతిరోజు ఉదయం, సాయంత్రం ఆహారం తిన్న తరువాత ఈ టీని తాగితే మనకు కలిగే అనేక ఆరోగ్య ప్రయోజనాలు ఉన్నాయట. సోంపు టీ తాగితే కండరాలు రిలాక్స్ అవుతాయి. కండరాల్లో ఏర్పడే నొప్పులు పూర్తిగా తగ్గిపోతాయట. జీర్ణాశయం శుభ్రమవుతుంది, గ్యాస్, ఎసిడిటి, మలబద్ధకం వంటి సమస్యలు దూరమవుతాయి. ముఖ్యంగా స్త్రీలో రుతు సంబంధ సమస్యలు తొలగిపోతాయట.
పాలిచ్చే తల్లులు తాగితే పాలు బాగా పడతాయట. అలాగే పురుషుల్లో శృంగార సామర్థ్యం పెరుగుతుందట. జీర్ణాశయం, పేగుల్లో ఉండే క్రిములు చనిపోతాయట. మంచి బాక్టీరియా వృద్ధి చెందుట. శరీర రోగనిరోధక శక్తి పెరుగుతుందని వైద్య నిపుణులు చెబుతున్నారు. అంతేకాదు శరీరంలోని విషపదార్థాలు బయటకు పోతాయి. ఒంట్లో అధికంగా ఉన్న నీరు మూత్రం రూపంలో బయటకు పోతుందట. శరీరం అంతర్గతంగా శుభ్రమవుతుంది. కిడ్నీల్లో రాళ్ళుంటే కరిగిపోయి మూత్రం ధారాళంగా వస్తుందట. యాంటీ ఇంఫ్లమేటరి గుణాలు ఉండడం వల్ల శరీరంలో నొప్పులు, వాపులు తగ్గి కీళ్ళ నొప్పులు ఉన్న వారికి ఇది మంచి ఔషధంగా పనిచేస్తుంది.
