అధిక బరువు వదిలించుకునేందుకు ఏం చేయాలంటే?
ఈమధ్య కాలంలో ఫాస్ట్ ఫుడ్ తినడం శరీరాన్ని పెంచుకోవడం ఎక్కువవుతోంది. దీనికితోడు వ్యాయామం కూడా వుండటంలేదు. ఇలాంటి పరిస్థితుల్లో కాస్త జాగ్రత్తలు తీసుకోనట్లయితే అధిక బరువు సమస్య వేధిస్తుంది. కనుక అలాంటివారు స్లిమ్ గా మారేందుకు ఈ చిట్కాలు పాటిస్తే సరిపోతుంది.
* ఆహార పదార్థాలు తీసుకునేముందు వాటి కెలోరీలను లెక్కించుకోండి. ఓవర్ కెలోరీల ఫుడ్‌ను నివారించండి.
* ఏ సీజన్లో అయినా మాంసాహారం మితంగా తీసుకోండి. కూరగాయలు, ఆకుకూరల్ని తీసుకోండి.
* ఇష్టానికి స్వీట్స్ తీసుకోకండి. ఓవర్ స్వీట్ ఫుడ్స్ ఒబిసిటీకి దారితీస్తాయి.
* వ్యాయామం చేయడం మరిచిపోకండి.
* ఫాస్ట్ ఫుడ్‌కు దూరంగా ఉండండి. ఇవి కెలోరీల శాతాన్ని పెంచుతాయి.
* టేబుల్‌పై ఇష్టమైన ఆహార పదార్థాలున్నాయి కదా అంటూ ఇష్టపడినవన్నీ తినేయకండి.
* నీటిని ఎక్కువగా తాగండి.
* ఆల్కహాల్ సేవించకండి.
* ప్రోటీన్లు, న్యూట్రీషన్లు ఉండే ఆహారాన్ని తీసుకోండి.
* సమయం దొరికినప్పుడల్లా హాయిగా డ్యాన్స్ చేయండి.
