చైనా శాశ్వత అధ్యక్షుడుగా జిన్ పింగ్.. వ్యతిరేకంగా ఒకే ఒక్క ఓటు
చైనా శాశ్వత అధ్యక్షుడిగా జిన్ పింగ్ ఎంపికయ్యారు. ప్రపంచంలో రెండో అతిపద్ద ఆర్థిక వ్యవస్థగా ఉన్న చైనా అధ్యక్షుడిగా జిన్ పింగ్ రెండోసారి బాధ్యతలు చేపట్టారు.
చైనా శాశ్వత అధ్యక్షుడిగా జిన్ పింగ్ ఎంపికయ్యారు. ప్రపంచంలో రెండో అతిపద్ద ఆర్థిక వ్యవస్థగా ఉన్న చైనా అధ్యక్షుడిగా జిన్ పింగ్ రెండోసారి బాధ్యతలు చేపట్టారు. ఇప్పటికే ఆయన ఐదేళ్లపాటు అధ్యక్ష పాలన పూర్తి చేసుకున్నారు. రాజ్యాంగం ప్రకారం రెండు సార్లకే అధ్యక్షుడిగా అవకాశం ఉంది. అంటే ఈ ప్రకారం 2023 వరకే ఆయన పాలనకు అవకాశం.
కానీ, శాశ్వతంగా (చిరకాలం) పాటు జిన్ పింగ్ అధ్యక్షుడిగా ఉండేందుకు అక్కడి పార్లమెంట్ రాజ్యాంగాన్ని సవరించిన విషయం తెలిసిందే. అధ్యక్ష, ఉపాధ్యక్ష పదవులకు కాల పరిమితిని ఎత్తేసింది. ఇందుకు అనుగుణంగా జిన్ పింగ్‌ను మరోసారి అధ్యక్షుడిగా పార్లమెంట్ శనివారం ఎన్నుకుంది.
2,970 ఓట్లలో ఒక్క ఓటు మినహా మిగిలినవన్నీ జిన్ పింగ్‌కు అనుకూలంగా పడినవే. జీవించి ఉన్నంత కాలం ఇక అధ్యక్ష పీఠం ఆయనకే సొంతం. ఉపాధ్యక్షుడిగా వాంగ్ కిషన్‌ను అధ్యక్షుడు ప్రతిపాదించారు. దీంతో ఉపాధ్యక్షుడిగా వాంగ్ సైతం నిరాటంకంగా కొనసాగే అవకాశం ఉంది.
