1. వార్తలు
  2. తెలుగు వార్తలు
  3. అంతర్జాతీయ వార్తలు
  4. India ranked 100th among 119 as hunger gets worse

"అచ్చే దిన్ కాదు.. ఆకలి భారతం"... 119 దేశాల్లో 100వ స్థానంలో భారత్‌

ప్రపంచంలో అత్యంత వేగంగా అభివృద్ధి చెందుతున్న దేశాల్లో భారత్ ఒకటి. పైగా, అగ్రదేశాలతో పోటీపడుతుందనే అనే మాటలు చాలా కాలంగా వినిపిస్తున్నవి. కానీ అదేసమయంలో దేశంలో ఆకలికేకలు మిన్నంటుతున్నాయి.

Hunger
ప్రపంచంలో అత్యంత వేగంగా అభివృద్ధి చెందుతున్న దేశాల్లో భారత్ ఒకటి. పైగా, అగ్రదేశాలతో పోటీపడుతుందనే అనే మాటలు చాలా కాలంగా వినిపిస్తున్నవి. కానీ అదేసమయంలో దేశంలో ఆకలికేకలు మిన్నంటుతున్నాయి. అంతర్జాతీయ ఆహార విధాన పరిశోధన సంస్థ (ఐఎఫ్పీఆర్ఐ) తాజాగా ప్రకటించిన ప్రపంచ ఆకలి సూచిలో ఈ విషయం వెల్లడైంది. ప్రపంచ ఆకలి సూచీలో పేర్కొన్న 119 దేశాల్లో భారత్‌ 100వ స్థానంలో ఉండటం ప్రతి ఒక్కరూ తలదించుకునేలా ఉంది. 
 
ముఖ్యంగా, ప్రపంచంలో పోషకాహార లేమితో బాధపడుతున్న పిల్లలు, సరైన బరువులేని పిల్లలు భారత్‌లోనే ఎక్కువగా ఉన్నారని ప్రపంచ ఆకలి సూచి నివేదిక పేర్కొంది. ఐదేళ్ల లోపు చిన్నారుల్లో 21 శాతం మంది పౌష్టికాహార లోపంతో బాధపడటంతో పాటు సరైన బరువు కూడా లేరని వెల్లడించింది. ప్రస్తుతం ప్రపంచ ఆహార సూచిలో భారత్‌ స్కోరు 31..4గా ఉంది. ఈ స్కోరు 28.. 5కు చేరితే పరిస్థితి ఆందోళనకరంగా ఉంటుంది.
 
ప్రపంచ ఆకలి సూచీలో భారత్ 100వ స్థానంలో ప్రపంచంలో అత్యధిక జనాభా ఉన్న చైనా 29వ స్థానంలో ఉంది. నేపాల్ -72, మయన్మార్-77, ఇరాక్ -78, బంగ్లాదేశ్- 88, ఉత్తరకొరియా 93వ స్థానాల్లో ఉన్నాయి. పాకిస్థాన్ 106వ స్థానంలో ఉండగా,ఆఫ్ఘానిస్థాన్ 107వ స్థానంలో ఉన్నాయి. 
About Writer
pnr
ఠాగూర్ పులపాక ప్రముఖ దినపత్రిక ఈనాడు, చెన్నై కార్యాలయంలో 'న్యూస్ కాంట్రిబ్యూటర్‌'గా జర్నలిజం ఓనమాలు నేర్చుకున్నారు. హైదరాబాద్ కార్యాలయంలో 'ఆంధ్రజ్యోతి' సబ్-ఎడిటర్ పని చేశారు. 2007 నుంచి 'వెబ్ దునియా'లో అసిస్టెంట్ ఎడిటర్‌‌గా విధులు నిర్వహిస్తున్నారు..... మరింత చదవండి
తర్వాతి కథనం
జయ్ అమిత్ షా ఆరోపణలవై విచారణ జరగాలి : ఆర్ఎస్ఎస్