లగ్జరీ రిసార్ట్లో భారీ అగ్నిప్రమాదం.. పర్యాటకుడు మృతి... ఎక్కడ?
Beach Resort
ఈ ప్రమాదంలో ఒక ఇటాలియన్ పర్యాటకుడు మరణించారని, మరికొందరు పర్యాటకులకు గాయాల కారణంగా వైద్య సహాయం అవసరమైందని అధికారులు తెలిపారు. వివా డొమినికస్ బీచ్ బై విండ్హామ్ అనే ఈ రిసార్ట్, డొమినికన్ రిపబ్లిక్ ఆగ్నేయ తీరంలోని బయాహిబే వద్ద ఉంది.
ఇది అమెరికా- అంతర్జాతీయ పర్యాటకులకు ఒక ప్రసిద్ధ పర్యాటక ప్రాంతం. అయితే ఈ రిసార్టులో భారీ అగ్నిప్రమాదం కారణంగా సుమారు 1,690 మంది పర్యాటకులను ఇతర హోటళ్లు, సమీపంలోని వసతి గృహాలకు తరలించాల్సి వచ్చిందని అధికారులు తెలిపారు. ఈ ప్రమాదానికి గల కారణాలపై విచారణ జరుగుతోంది.
అయితే, గాలి ఉధృతి, రిసార్ట్ పైకప్పులో కొంత భాగం గడ్డితో నిర్మితమై ఉండటం వల్ల "మంటలు వేగంగా వ్యాపించినట్లు కనిపిస్తోందని దేశంలోని అత్యవసర కార్యకలాపాల కేంద్రం పేర్కొంది.
