హెచ్1బి వీసా దారులకు శుభవార్త.. ఏంటది?

హెచ్1బి వీసాదారులకు ఓ శుభవార్త. ఈ వీసా కోసం దరఖాస్తు చేయాలని భావిస్తున్నవారికి ఇది ఎంతగానో దోహదపడనుంది. డోనాల్డ్ ట్రంప్ ప్రభుత్వం తీసుకొచ్చిన కొత్త వేతన నిబంధనల అమలు చట్టాన్ని ప్రస్తుత అధ్యక్షుడు జో బైడెన్ తాత్కాలికంగా నిలిపివేశారు. అంటే మే నెల 14వ తేదీ వరకు ఇది అమల్లోకి రాదు. 

నిజానికి ఈ కొత్త రూల్స్  ప్రకారం త‌క్కువ జీతానికి ప‌నిచేసే విదేశీ వ‌ర్క‌ర్ల కోసం స్థానికుల‌ను అమెరికా కంపెనీలు విస్మ‌రించ‌కుండా ఉండేందుకు వీలుగా ట్రంప్ ప్ర‌భుత్వం ఈ కొత్త వేత‌న నిబంధ‌న‌లు తీసుకొచ్చింది. 

ఈ కొత్త చట్టం మార్చి 15నే అమ‌ల్లోకి రావాల్సి ఉంది. ఇప్పుడు దీనిని వాయిదా వేయ‌డం వ‌ల్ల రానున్న హెచ్‌1-బీ ఫైలింగ్ సీజ‌న్‌కు ఇవి వ‌ర్తించ‌వు. కొత్త రూల్స్ ప్ర‌కారం హెచ్‌1-బీ, హెచ్‌1-బీ1 వీసాల‌పై ప‌నిచేసే విదేశీ వ‌ర్క‌ర్ల‌కు స్థానిక ఉద్యోగుల‌కు చెల్లించే వేత‌నంతో స‌మానంగా లేదా అంత‌కంటే ఎక్కువ చెల్లించాల్సి ఉంటుంది.