శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. అంతర్జాతీయ వార్తలు
Written By ఎం
Last Updated : గురువారం, 22 ఆగస్టు 2019 (08:13 IST)

సౌదీ కొత్త చట్టం: ఎలాంటి ఆంక్షల్లేకుండా విదేశాలకు మహిళలు

సౌదీలో మహిళల పట్ల తీవ్రంగా ఉంటాయి. అయితే వాటిని ఆ ప్రభుత్వం మెల్లమెల్లగా తగ్గిస్తూ వస్తోంది. మహిళా సాధికారత, వారి హక్కుల కోసం సంస్కరణలు తీసుకువస్తోంది. పురుషులతో పాటు సమాన హక్కులు కల్పించేందుకు మరో కీలక నిర్ణయం తీసుకుంది.

21 ఏళ్లు నిండిన మహిళలు పురుషుల అనుమతి లేకుండానే పాస్ పోర్టు పొందేందుకు అవకాశం కల్పిచింది. తాజాగా వారు ఎటువంటి ఆంక్షలు లేకుండా విదేశాలకు కూడా వెళ్లేందుకు  కొత్త చట్టాన్ని అమలులోకి తెచ్చింది.
 
ఇప్పటి వరకు ప్రపంచంలో ఎక్కడా లేనంతగా సౌదీలో మహిళలపై ఆంక్షలు ఉండేవి. గార్డియన్‌షిప్‌ చట్టం ప్రకారం.. మహిళలు చదువుకోవాలన్నా, ప్రయాణాలు చేయాలన్నా తండ్రి, భర్త లేదా సోదరుడి నుంచి పర్మిషన్ తీసుకోవాల్సి ఉంటుంది.  సౌదీ యువరాజు మహ్మద్‌ బిన్‌ సల్మాన్‌ ఈ చట్టంలో సంస్కరణలు తీసుకురావడం ప్రారంభించారు.

ఆంక్షలన్నింటిని ఎత్తివేస్తూ నిర్ణయం తీసుకున్నారు. గతేడాది నుంచి మహిళలు డ్రైవింగ్ చేసేందుకు కూడా ఆంక్షలు ఎత్తివేసింది. ఇప్పుడు మహిళలు విదేశీ ప్రయాణం చేయడానికి వీలుగా కొత్త చట్టం తీసుకువచ్చారు. దీంతో సౌదీ మహిళలు సంతోషం వ్యక్తం చేస్తున్నారు.