1. ఇతరాలు
  2. »
  3. ప్రేమాయణం
  4. »
  5. ప్రేమ కవితలు
  6. Romantic poems

ఎన్నెన్నో జన్మల బంధం నీదీ నాదీ...

రొమాన్స్
WD
ప్రేమలోకంలో విహరించే జంట మధ్య చోటుచేసుకునే ప్రతి సంఘటన ఓ తీయని అనుభూతిని మిగులుస్తుంది. ఇద్దరూ ఊహాలోకంలో విహరిస్తూ ఎన్నో బాసలు చేసుకుంటారు. మృదుమధురంగా... తీపి జ్ఞాపకాలుగా మిగిలే ఆ తీయని అనుభూతులు ఎలా ఉంటాయో మన తెలుగు వెండితెర కూడా కాస్తంత ఒలికించింది. ప్రేయసీప్రియుల ఊహలకు దాశరథి రెక్కలు తొడిగితే... ఇద్దరి మదిలో మెదిలే భావాలకు ప్రాణం పోశారు ఎస్పీబీ.. వాణీజయరాం. మరచిపోలేని ఆ లవ్ సాంగ్‌ని ఓసారి చూద్దామా....

ఎన్నెన్నో జన్మల బంధం నీదీ నాదీ
ఎన్నటికీ మాయని మమత నాదీ నీదీ
ఒక్క క్షణం నిను వీడి నేనుండలేను
ఒక్క క్షణం నీ విరహం నే తాళలేను
ఎన్నెన్నో

పున్నమి వెన్నెలలోనా పొంగును కడలి
నిన్నే చూసిన వేల నిండును చెలిమి
నువ్వు కడలివైతే నే నదిగ మారి చిందులు వేసి వేసి
నిన్ను చేరనా. చేరనా.. చేరనా!
ఎన్నెన్నో


కోటి జన్మలకైనా కోరేదొకటే
నాలో సగమై ఎపుడూ .. నీవుండాలి
నీ ఉన్నవేళా ఆ స్వర్గమేలా
ఈ పొందు ఎల్ల వేళలందు
ఉండనీ. ఉండనీ.. ఉండనీ..
ఎన్నెన్నో

చిత్రం : పూజ
గానం : ఎస్.పి.బాలసుబ్రహ్మణ్యం, వాణీ జయరాం
రచన : దాశరథి
సంగీతం : రాజన్-నాగేంద్ర
About Writer
వెంకటేశ్వర రావు యిమ్మడిశెట్టి, CPFC, NIFT
నేషనల్ ఇనిస్టిట్యూట్ ఆఫ్ ఫ్యాషన్ టెక్నాలజీ(NIFT) హైదరాబాదులో సిపిఎఫ్‌సి కోర్సు చేసారు. జర్నలిజంలో రెండు దశాబ్దాలకు పైగా అనుభవం. కవితలు, కథలు రాస్తుంటారు. ప్రముఖ మీడియా సంస్థలైన ETv, ETv2లో పనిచేసారు. స్వాతి సపరివారపత్రిక, సండే ఇండియన్ మ్యాగజైన్ల ఎడిటోరియర్ విభాగంలో పనిచేసారు. 2006 నుంచి వెబ్ దునియా తెలుగు సహ సంపాదకునిగా వ్యవహరిస్తున్నారు. .... మరింత చదవండి