ప్రేమిస్తున్నారా? కానీ ప్రేమను వ్యక్తపరచాలో తెలియట్లేదా? ఇందుకు చైనాలో కొత్త కోర్సుందట!
ప్రేమ మధురానుభూతి. ప్రేమకున్న మాధుర్యం ప్రత్యేకం. ప్రేమ పుట్టిందంటే.. రెక్కలు లేని పక్షిలా విహరించాల్సిందే. అయితే ప్రేమ పుట్టడం ఓకే కానీ.. ప్రేమను ప్రేయసిలేదా ప్రియుడి ముందు ఎలా వ్యక్తపరచాలో అర్థం కాక
ప్రేమ మధురానుభూతి. ప్రేమకున్న మాధుర్యం ప్రత్యేకం. ప్రేమ పుట్టిందంటే.. రెక్కలు లేని పక్షిలా విహరించాల్సిందే. అయితే ప్రేమ పుట్టడం ఓకే కానీ.. ప్రేమను ప్రేయసిలేదా ప్రియుడి ముందు ఎలా వ్యక్తపరచాలో అర్థం కాకుండా చాలామంది సతమతమవుతుంటారు. అలాంటి వారికి లవ్ గురూలు సలహాలు ఇస్తుంటారు. అయితే చైనాలోని ఓ వర్శిటీలో మాత్రం ప్రేమపై ప్రత్యేక కోర్సునే ప్రారంభించారు.
వివరాల్లోకి వెళితే.. టియాంజిన్ యూనివర్సిటీ యాజమాన్యం చైనా యువతీ యువకుల కోసం ప్రేమపై కోర్సును ప్రారంభించింది. ఈ కోర్సును అదే యూనివర్సిటీలోని స్టూడెంట్ సోషల్ క్లబ్ సహ వ్యవస్థాపకుడైన 23ఏళ్ల వాంగ్ రూ ప్రవేశపెట్టాడు. ఇందులో ప్రేమకు సంబంధించి పలు అంశాలను బోధిస్తారు. ప్రేమిస్తే ఎలా ప్రవర్తించాలి? ఎలా వ్యక్తపరచాలి? లవర్స్ను ఎలా ఆకట్టుకోవాలి. ఒకవేళ ప్రేమను నిరాకరిస్తే ఏం చేయాలి అనే దానిపై శిక్షణ ఇస్తారు.
ఈ కోర్సు ఎందుకంటే..?
చైనాలో ఇన్నాళ్లుగా కొనసాగిన ఏక సంతానం పాలసీ వల్ల కుటుంబంలో జన్మించిన యువతియువకులు వారికి తోడుగా ఎవరు లేకపోవడంతో సమాజంలో తోటి వయసున్న యువతతో కలివిడిగా ఉండలేకపోతున్నారట. యువత మధ్య సంబంధాలు అంతంతమాత్రంగానే ఉన్నాయట. అంతేగాకుండా ఎవరితోనైనా ప్రేమలో పడితే వారి ముందు ప్రేమను వ్యక్తపరిచేందుకు తెగ ఇబ్బందిపడిపోతున్నారట. అందుకే యువతలో ధైర్యాన్ని నింపుతూ ఈ కోర్సును ప్రారంభించారు.
