బెంగాల్‌లో స్వలింగ వివాహం : భర్తకు విడాకులిచ్చి మరో మహిళను పెళ్లాడిన వివాహిత
వెస్ట్ బెంగాల్ రాష్ట్రంలో ఓ విచిత్ర ఘటన జరిగింది. ఇద్దరు మహిళలు వివాహం చేసుకున్నారు. ఈ స్వలింగ వివాహం తాజాగా వెలుగులోకి వచ్చింది. కట్టుకున్న భర్తకు విడాకులు ఇచ్చిన ఓ వివాహిత.. తన మనస్సుకు నచ్చిన ఓ మహిళను పెళ్లి చేసుకుంది. తాజాగా వెలుగులోకి వచ్చిన ఈ వివరాలను పరిశీలిస్తే,
బెంగాల్ రాష్ట్రానికి చెందిన మౌసుమి దత్తా, మౌమిత అనే ఇద్దరు మహిళలు కొంతకాలంగా ప్రేమలో ఉన్నారు. మౌసుమి దత్తాకు ఇప్పటికే పెళ్లి అయి ఇద్దరు పిల్లలు కూడా ఉన్నారు. అయితే, పిల్లలను తన పిల్లలుగా స్వీకరించేందుకు మౌమిత అంగీకరించింది. దీంతో తన భర్తకు మౌసుమి విడాకులు ఇచ్చింది. ఆ తర్వాత మౌసుమి, మౌమిత ఇద్దరూ కలిసి ఓ గుడిలో స్వలింగ వివాహాన్ని చేసుకున్నారు.
దీనిపై మౌమిత స్పందిస్తూ, ప్రేమ అనేది స్త్రీ పురషుల మధ్యే కాకుండా ఇద్దరు స్త్రేలు, ఇద్దరు మహిళల మధ్య కూడా చిగురిస్తుందన్నారు. మౌసుమిని వివాహం చేసుకోవడం తన కుటుంబానికి ఇషఅటం లేదని అందుకే తన ప్రియురాలితో కలిసి అద్దె ఇంట్లో కాపురం పెట్టానని తెలిపారు. మౌసుమి ఎట్టి పరిస్థితుల్లోనూ వదిలిపెట్టనని తెలిపారు. మరోవైపు మౌసుమి మాట్లాడుతూ, తన భర్త రోజూ తనను చిత్ర హింసలకు గురిచేసేవాడని, అందుకే ఆయన నుంచి విడిపోయినట్టు చెప్పారు.
