శుక్రవారం, 29 సెప్టెంబరు 2023
  1. ఆధ్యాత్మికం
  2. భవిష్యవాణి
  3. పంచాంగం
Written By సిహెచ్
Last Modified: బుధవారం, 20 ఏప్రియల్ 2022 (21:56 IST)

కాల సర్పదోషాన్ని పారదోలే నాగరుద్రాక్ష, ధరించవచ్చా?

rudraksha
రుద్రాక్షలు అనేక రకాలుగా వుంటాయి. వీటిలో నాగరుద్రాక్ష విభిన్నమైనది. ఈ రుద్రాక్షను ఆదిశేషుడు, నాగరాజు నాగేంద్ర స్వామి రూపంగా భావిస్తారు. ఈ రుద్రాక్షను మంగళవారం నాడు రాహుకాలంలో పూజించాలని చెపుతారు. అంతేకాదు, సుబ్రహ్మణ్య షష్ఠి, నాగ పంచమి, గ్రహణ సమయాల్లో పూజిస్తే ఎంతో మంచిదని విశ్వాసం.

 
ఈ రుద్రాక్షను పూజించాలనుకునేవారు తొలుత సుబ్రహ్మణ్యస్వామి సహస్రనామ పూజ, అష్టోత్తర నామపూజ, నాగేంద్రస్వామి పూజ చేయించాలి. అంతేకాకుండా శివాలయంలో రుద్రాభిషేకం, రాహుకాలంలో ఆవుపాలతో అభిషేకం చేయించాలి. కాలసర్ప దోషం కలవారు ఈ రుద్రాక్షను పూజిస్తే దోష నివారణ జరుగుతుంది.

 
నాగరుద్రాక్షను ధరించకూడదు. పూజ గదిలో వుంచి పూజించాలి. జాతక చక్రంలో కుజ, రాహు, కేతు గ్రహాల వల్ల కీడు జరుగుతున్నా, కుజ, రాహు, కేతు మహర్దశలు జరుగుతున్నా ఈ సర్ప రుద్రాక్షను తప్పక పూజిస్తే ఫలితం వుంటుంది. ఎక్కడైతే నాగ రుద్రాక్ష వుంటుందో వారికి పాముల వల్ల హాని వుండదు. అలాగ ధనానికి లోటు వుండదు. పేరుప్రఖ్యాతులు, సంపదలు తరలివస్తాయి.

 
ఈ రుద్రాక్షలు చాలా అరుదైనవి. అద్భుత మహిమలు కలవి. ఈ రుద్రాక్షలపైన నాగపడగ వుంటుంది లేదా సర్పాకారం వుంటుంది. నకిలీవి, చెక్కినవి అమ్ముతుంటారు కానీ పుట్టుకతోనే అలా వున్న రుద్రాక్షలు మహిమాన్వితమైనవి.