శుక్రవారం, 1 మార్చి 2024
  1. వార్తలు
  2. తెలుగు వార్తలు
  3. తెలంగాణ ఎన్నికలు 2023
Written By సెల్వి
Last Updated : మంగళవారం, 5 డిశెంబరు 2023 (16:57 IST)

తెలంగాణ సీఎం అభ్యర్థిపై మల్లిఖార్జున ఖర్గే నిర్ణయం తీసుకుంటారా?

mallikarjuna kharge
తెలంగాణ రాష్ట్రానికి ముఖ్యమంత్రి ఎవరన్నదానిపై ఇంకా ఉత్కంఠ కొనసాగుతోంది. తెలంగాణలో కాంగ్రెస్ పార్టీకి స్పష్టమైన మెజారిటీ రావడంతో సోమవారం రాత్రి సీఎం ప్రమాణ స్వీకారం చేస్తారని వార్తలు వచ్చాయి. 
 
ముఖ్యమంత్రి బాధ్యతలు రేవంత్ రెడ్డి చేపడతారని ప్రచారం జరిగినా.. పార్టీ సీనియర్ నేతలు భట్టి, ఉత్తమ్, కోమటిరెడ్డిలు కూడా పోటీకి దిగడంతో సీఎం ఎంపిక వాయిదా పడింది.
 
సోమవారం ఉదయం తెలంగాణలోని కాంగ్రెస్ శాసనసభా పక్షం సమావేశమై, తెలంగాణకు ముఖ్యమంత్రి కాబోయే కొత్త సభా నాయకుడిని నియమించడానికి పార్టీ అధ్యక్షుడు మల్లికార్జున్ ఖర్గేకు అధికారం ఇచ్చారు.
 
తెలంగాణకు పంపిన పార్టీ పరిశీలకుల నివేదికను పరిశీలించి రాహుల్ గాంధీ, సోనియా గాంధీ సహా పలువురు సీనియర్ నేతలతో చర్చించి ముఖ్యమంత్రి పేరును ప్రకటిస్తామని మల్లికార్జున్ ఖర్గే చెప్పారు. కాగా, ముఖ్యమంత్రి పదవికి పోటీ పడుతున్న భట్టి విక్రమార్క, ఉత్తమ్ కుమార్ రెడ్డి సోమవారం సాయంత్రం ఢిల్లీ చేరుకున్నారు.