1. వార్తలు
  2. తెలుగు వార్తలు
  3. తెలంగాణ వార్తలు
  4. Telangana CM seeks Rs 2,000 crore from Centre as immediate flood relief

రూ.2వేల వరద సాయాన్ని కేంద్రం వెంటనే ప్రకటించాలి.. రేవంత్ రెడ్డి

Revanth Reddy
Revanth Reddy
తెలంగాణ రాష్ట్రానికి వరద సాయంగా రూ.2000 కోట్లు తక్షణ సాయంగా అందించాలని తెలంగాణ ముఖ్యమంత్రి ఎ. రేవంత్ రెడ్డి సోమవారం కేంద్రాన్ని అభ్యర్థించారు. భారీ వర్షాలు, వరదల వల్ల రాష్ట్రంలో రూ.5 వేల కోట్ల నష్టం వాటిల్లిందని ప్రాథమిక అంచనాకు వచ్చిన ఆయన, తక్షణం సాయం అందించాలని కేంద్రాన్ని కోరుతున్నామన్నారు. నిధులు వచ్చేలా కేంద్రమంత్రులు జి. కిషన్‌రెడ్డి, బండి సంజయ్‌కుమార్‌లు కృషి చేయాలని కోరారు. 
 
సూర్యాపేట, ఖమ్మం జిల్లాల్లోని వరద బాధిత ప్రాంతాల్లో ముఖ్యమంత్రి పర్యటించారు. హైదరాబాద్ నుంచి రోడ్డు మార్గంలో బయలుదేరిన ఆయన ముందుగా సూర్యాపేట జిల్లాలో వర్షాలు, వరదల వల్ల జరిగిన నష్టాలను పరిశీలించారు.  
 
సూర్యాపేట జిల్లాలో అత్యధికంగా 30 సెంటీమీటర్ల వర్షపాతం నమోదైందని ముఖ్యమంత్రి పేర్కొన్నారు. అధికారులు ప్రజలకు నిరంతరం అందుబాటులో ఉంటున్నారని, పంట, ఇతర నష్టాలపై అధికారులు తనకు ప్రాథమిక నివేదిక ఇచ్చారని తెలిపారు. 
 
ఖమ్మం, నల్గొండ జిల్లాల పరిస్థితిని ప్రధాని నరేంద్ర మోదీ, కేంద్ర హోంమంత్రి అమిత్ షా, ప్రతిపక్ష నేత రాహుల్ గాంధీకి వివరించి, వారి మద్దతు కోరినట్లు ముఖ్యమంత్రి తెలిపారు. ప్రతి ఎకరం భూమిలో పంటనష్టం వాటిల్లితే రూ.10వేలు పరిహారం చెల్లిస్తామన్నారు.
తర్వాతి కథనం
మెడికో హత్యాచార కేసు : ఆర్జీ కర్ వైద్య కాలేజీ ప్రిన్సిపాల్ అరెస్టు!