ఆ కలెక్టర్ ఏ చేస్తోంది? మొగుడి పక్కన పడుకుందా?: జగ్గారెడ్డి సంచలన వ్యాఖ్యలు
రాజకీయ పార్టీల్లో కొంతమంది నాయకులు చేసే వ్యాఖ్యలతో ఆయా పార్టీలకు తలనొప్పులు వస్తాయి. ప్రజల ముందు మాట్లాడేటపుడు ఎంతో జాగ్రత్తగా మాట్లాడాలి. కానీ చాలామంది అదేమీ పట్టించుకోరు. తమకు ఏది అనిపిస్తే అదే అనేస్తారు. వారు చేసే వ్యాఖ్యలతో ఎలాంటి పరిణామాలు ఎదురవుతాయనే ఆలోచన కూడా చేయరు. తాజాగా కాంగ్రెస్ సీనియర్ నాయకుడు జగ్గారెడ్డి చేసిన వ్యాఖ్యలు కూడా ఇలాగే వున్నాయి.
ఆయన మాట్లాడినట్లు చూపే ఓ వీడియో సోషల్ మీడియాలో హల్చల్ చేస్తోంది. అందులో జగ్గారెడ్డి ఏమన్నారంటే... సంగారెడ్డి కలెక్టరుకి పదిసార్లు ఫోన్ చేసినా తీయలేదు. దాంతో నాకు చిర్రెత్తుకొచ్చింది. వెంటనే కలెక్టర్ పి.ఎకి ఫోన్ చేసా. కలెక్టర్ గారు ఏం చేస్తున్నారు... ఎన్నిసార్లు ఫోన్ చేసినా ఫోన్ ఎత్తడంలేదు. భర్త పక్కనే ఏమైనా పడుకుని వుందా అని ఘాటుగా వ్యాఖ్యానించా. నాకు కోపం వస్తే ఇలాగే వుంటుంది. ప్రజల పనుల కోసం ఫోన్ చేస్తుంటే వాళ్లేమీ పట్టనట్లు వుంటే ఎట్లా" అని అన్నారు.
ఐతే ఈ వీడియో ఇప్పటిదా లేకపోతే చానాళ్ల క్రతం చేసిన వ్యాఖ్యలా అని ఆరా తీస్తున్నారు. కాగా ఈ వాఖ్యలపై జగ్గారెడ్డి నేరుగా స్పందిస్తే కానీ అసలు నిజం బయటకువస్తుంది. ఓ మహిళా కలెక్టర్ పైన జగ్గారెడ్డి చేసిన వ్యాఖ్యలను ఖండిస్తున్నారు.
