పుట్టుకతోనే శిశువుకు రెండు దంతాలు, బ్రహ్మంగారి కాలజ్ఞానం మహిమ

శ్రీమద్విరాట్ పోతులూరి వీరబ్రహ్మేంద్ర స్వామి కాలజ్ఞానంతో చెప్పిన కొన్ని వింతలను మనం వింటుంటాము. మనిషి రూపంలో జంతువులు పుట్టడం, వేప చెట్టు నుంచి పాలు రావడం వంటి ఎన్నో వింతలను విన్నాం. కాని ఇక్కడ ఓ వింత శిశువు జన్మించింది.

తెలంగాణా రాష్ట్రంలో ఈ వింతను చూసిన వారు ఆశ్చర్యపడక తప్పదు. కానీ ఏంటి ఆ వింత అంటే, ఓ చిన్నారికి పుట్టుకతోనే రెండు దంతాలు ఉన్నట్లు తెలిసింది. జోగులాంబా గద్వాల లోని ఓ ప్రైవేటు ఆస్పత్రిలో పురుడు కోసం నిండు గర్భిణి అడ్మిట్ అయ్యింది. ఆమె పరిస్థితి అర్థం చేసుకున్న వైద్యులు నార్మల్ డెలివరి కాదని ఆపరేషన్ చేసారు.

దీంతో ఆ గర్భిణి పండంటి బిడ్డకు జన్మనిచ్చింది. కానీ అప్పుడే జన్మించిన బిడ్డకు రెండు దంతాలు ఉన్నాయి. ఈ విషయాన్ని గమనించిన డాక్టర్ విజయసాయ్ రెడ్డితో సహా వైద్యులు ఆశ్చర్య పోయారు. అయితే తల్లీ, బిడ్డ ఆరోగ్యంతో ఉన్నట్లు వైద్యులు తెలిపారు. ఇదే తరహా రెండు మూడేళ్ల క్రితం బ్రెజిల్‌లో కూడా ఓ వింత సంఘటన చోటుచేసుకున్నది. అప్పుడే పుట్టిన శిశువు బుడిబుడి నడకలు నడవడం అందర్నీ ఆశ్చర్యంలోకి నెట్టేసింది.