మహిళా సీఐ ఇంట్లో ఇన్స్పెక్టర్.. రెడ్‌ హ్యాండెండ్‌గా పట్టుకున్న సీఐ భర్త
ఓ మహిళా సీఐ ఇంట్లో మరో ఇన్స్పెక్టర్ అడ్డంగా బుక్కయ్యాడు. అదీ కూడా ఆ మహిళా సీఐ భర్తకే రెడ్‌హ్యాండెండ్‌గా చిక్కాడు. ఈ పంచాయతీ పోలీస్ స్టేషన్‌కు చేరడంతో ఇన్‌స్పెక్టర్‌ను పోలీసులు అదుపులోకి తీసుకుని విచారించారు.
తాజాగా వెలుగులోకి వచ్చిన ఈ వివరాలను పరిశీలిస్తే, తెలంగాణ రాష్ట్రంలో హన్మకొండ రాంనగర్‌కు చెందిన ఓ మహిళ సీఐ వరంగల్ సీఐడీ కార్యాలయంలో పని చేస్తున్నారు. అక్కడే బలభద్ర రవి అనే వ్యక్తి ఇన్‌స్పెక్టరుగా పని చేస్తున్నాడు.
కాలక్రమంలో వీరి మధ్య చనువు పెరిగింది. దీంతో వారిద్దరూ మహిళా సీఐ ఇంట్లో కలుసుకుంటూ వచ్చారు. ఆ మహిళా సీఐ భర్త కూడా సీఐ కావడం గమనార్హం. దీంతో తాను లేని సమయంలో ఇన్స్పెక్టర్ రవి ఇంటికి వచ్చి వెళ్లడాన్ని సందేహించాడు. పైగా, అప్పటి నుంచి వారిద్దరిని రెడ్‌హ్యాండెడ్‌గా పట్టుకోవాలని శతవిధాలా ప్రయత్నిస్తున్నాడు.
ఈ క్రమంలో సోమవారం సీఐ ఇంటికి వచ్చిన ఇన్స్పెక్టర్ రవి.. వారిద్దరూ చాలా సేపు ఇంట్లోనే ఉన్నారు. ఈ విషయం తెలుసుకున్న మహిళా సీఐ భర్త తన స్నేహితులతో కలిసి వచ్చి రెడ్‌హ్యాండెడ్‌గా పట్టుకుని, సుబేదారీ పోలీసులకు ఫిర్యాదు చేశాడు. దీంతో కేసు నమోదు చేసి విచారణ జరుపుతున్నారు.
