కుమార్తెపై అత్యాచారం.. నాలుగు నెలల గర్భం.. తండ్రికి జీవితఖైదు
హైదరాబాద్‌లోని నాంపల్లి కోర్టు సంచలన తీర్పు చెప్పింది. కుమార్తెపై లైంగిక దాడికి పాల్పడిన తండ్రికి అతను బతికి వున్నంత వరకు జైలులోనే వుంచాలని ఆదేశించింది. వివరాల్లోకి వెళితే.. తూర్పుగోదావరి జిల్లాకు చెందిన ఓ కుటుంబం చాలా ఏళ్ల క్రితం హైదరాబాద్ వచ్చి ఫిలింనగర్‌లో నివసిస్తోంది.
కుటుంబ యజమాని సెక్యూరిటీ గార్డుగా పనిచేస్తుండగా.. అతడి భార్య ఇంటి పని చేస్తోంది. వీరికి కుమార్తె 14 ఏళ్ల కుమార్తె, కుమారుడు వున్నారు. అబ్బాయి తూర్పు గోదావరి జిల్లాలోనే ఓ హాస్టల్‌లో వుండి చదువుకుంటున్నాడు. కుమార్తె మాత్రం తల్లిదండ్రులతోనే వుంటోంది.
జూలై 2021లో కుమార్తె అనారోగ్యం బారినపడి వాంతులు చేసుకోవడంతో తల్లి ఆమెను ఆస్పత్రిలో చూపించింది. పరీక్షించిన వైద్యులు ఆమె నాలుగు నెలల గర్భిణీ అని చెప్పడంతో ఆ తల్లి గుండె ఆగినంత పనైంది. ఆరా తీయడంతో అసలు విషయం తెలిసి బోరున విలిపించింది.
భార్య పనికి వెళ్లిన తర్వాత కుమార్తె తీసుకునే భోజనంలో తండ్రి నిద్ర మాత్రలు కలిపేశాడు. భోజనం చేసిన తర్వాత ఆమె మత్తులోకి జారుకున్నాక అత్యాచారానికి పాల్పడేవాడు. విషయం ఎవరికైనా చెప్తే చంపేస్తానని బెదిరించేవాడని తెలిపింది. ఈ క్రమంలో ఆ బాలిక గర్భం దాల్చింది.
విషయం వెలుగులోకి రావడం నిందితుడు పారిపోయాడు. భార్య ఫిర్యాదుతో కేసు నమోదు చేసుకున్న జూబ్లీహిల్స్ పోలీసులు నిందితుడిని అరెస్ట్ చేసి రిమాండుకు తరలించారు.
ఈ కేసును విచారించిన నాంపల్లి కోర్టు తుదితీర్పు వెలువరించింది. నిందితుడు మరణించేంతవరకు జైలులోనే వుంచడంతో పాటు రూ.5వేల జరిమానా విధిస్తూ తీర్పు నిచ్చింది.
