నిజామాబాద్ వినాయకర్ మార్కెట్‌లో భారీ అగ్నిప్రమాదం
తెలంగాణ రాష్ట్రంలోని నిజామాబాద్ నగరం, వినాయకర్ మార్కెట్‌లో శనివారం అర్థరాత్రి భారీ అగ్నిప్రమాదం సంభవించింది. పట్టణంలో ఉన్న సూపర్ మార్కెట్‌లో ప్రమాదవశాత్తు మంటలు వ్యాపించి ఒక్కసారిగా చెలరేగాయి. దీంతో కోట్లాది రూపాయల ఆస్తి బుగ్గిపాలైంది. ఈ ప్రమాదం వల్ల జరిగిన నష్టాన్ని అధికారులు అంచనా వేస్తున్నారు.
అయితే, అర్థరాత్రి సమయంలో ఈ అగ్నిప్రమాదం జరగడంతో ఎలాంటి ప్రాణనష్టం వాటిల్లలేదు. దీంతో వ్యాపారాలు ఊపిరి పీల్చుకున్నారు. ఈ ప్రమాదానికి గల కారణాలపై అధికారులు ఆరా తీస్తున్నారు. మంటలు ఒక్కసారిగా చెలరేగిన వెంటనే దట్టమైన పొగలు అలముకున్నాయి. దీంతో స్థానికులు ఎలాంటి సహాయక చర్యలు చేపట్టలేకపోయారు.
