అనూ తప్పుకుంటే.. ఇలియానాకు ఛాన్సిచ్చారు.. గ్రీన్ సిగ్నల్ ఇస్తుందా?
మాస్ మహారాజ రవితేజ మళ్లీ ఫామ్‌లోకి వచ్చాడు. నేలటికెట్‌తో హిట్ కొట్టాలనుకుంటున్న రవితేజ హీరోగా శ్రీనువైట్ల దర్శకత్వంలో తెరకెక్కబోతున్న చిత్రం ''అమర్ అక్బర్ ఆంటోని''. ఈ చిత్రంలో రవితేజ డిఫరెంట్ గెటప్స్‌
మాస్ మహారాజ రవితేజ మళ్లీ ఫామ్‌లోకి వచ్చాడు. నేలటికెట్‌తో హిట్ కొట్టాలనుకుంటున్న రవితేజ హీరోగా శ్రీనువైట్ల దర్శకత్వంలో తెరకెక్కబోతున్న చిత్రం ''అమర్ అక్బర్ ఆంటోని''. ఈ చిత్రంలో రవితేజ డిఫరెంట్ గెటప్స్‌లో కనిపించనున్నాడు. ఈ మూడు పాత్రలకి జోడీగా ముగ్గురు కథానాయికలను తీసుకోనున్నారు. ఒక హీరోయిన్‌‍గా అనూ ఇమ్మాన్యుయేల్‌ను ఎంపిక చేసుకున్నారు.
కానీ డేట్స్ సర్దుబాటు చేయలేక అనూ ఇమ్మాన్యుయేల్ ఈ ప్రాజెక్టు నుంచి తప్పుకుంది. దాంతో ఆ ప్లేస్‌లోకి ఇలియానాను తీసుకోవడానికి ప్రయత్నాలు చేస్తున్నారు. తెలుగు రీ ఎంట్రీ కోసం చాలాకాలంగా ఎదురుచూస్తున్న ఇలియానా ఈ ఛాన్సును వదులుకోకపోవచ్చునని సినీ పండితులు అంటున్నారు. అదే జరిగితే ''కిక్'' సినిమాలో కలిసి నటించిన ఇలియానా, రవితేజ జంట.. తొమ్మిదేళ్ల తర్వాత మళ్లీ వెండితెరపై కనిపిస్తుంది.
ఇక మరో కథానాయిక పాత్ర కోసం శ్రుతిహాసన్‌తో సంప్రదింపులు జరుపుతున్నారని టాక్. మైత్రీ మూవీ మేకర్స్ పతాకంపై రూపుదిద్దుకుంటున్న ఈ సినిమా అమెరికాలో 50 రోజుల పాటు జరుగుతుందని యూనిట్ వర్గాల సమాచారం.
