'అర‌వింద స‌మేత' ప‌బ్లిసిటీ వీక్... ఎన్టీఆర్ పీఆర్ టీం నిద్రపోతోందా..?
యంగ్ టైగ‌ర్ ఎన్టీఆర్ - మాట‌ల మాంత్రికుడు త్రివిక్ర‌మ్ శ్రీనివాస్ కాంబినేష‌న్‌లో రూపొందుతోన్న భారీ చిత్రం అర‌వింద స‌మేత. వీర రాఘ‌వ అనేది ట్యాగ్ లైన్. ఈ సినిమాని హారిక & హాసిని క్రియేష‌న్స్ సంస్థ నిర్మిస్తోంది. ఎన్టీఆర్ స‌ర‌స‌న పూజా హేగ్డే న‌టించింది.
యంగ్ టైగ‌ర్ ఎన్టీఆర్ - మాట‌ల మాంత్రికుడు త్రివిక్ర‌మ్ శ్రీనివాస్ కాంబినేష‌న్‌లో రూపొందుతోన్న భారీ చిత్రం అర‌వింద స‌మేత. వీర రాఘ‌వ అనేది ట్యాగ్ లైన్. ఈ సినిమాని హారిక & హాసిని క్రియేష‌న్స్ సంస్థ నిర్మిస్తోంది. ఎన్టీఆర్ స‌ర‌స‌న పూజా హేగ్డే న‌టించింది. ఇషా రెబ్బా ముఖ్య పాత్ర పోషించింది. ఇటీవల రిలీజైన పాట‌ల‌కు అనూహ్య‌మైన స్పంద‌న ల‌భిస్తోంది. ముఖ్యంగా ఎస్.ఎస్.త‌మ‌న్ సంగీతం అందించిన ఈ చిత్రంలోని పాట‌ల్లో పెనివిటి అనే పాట‌కు విశేష స్పంద‌న ల‌భించింది.
దసరా కానుక‌గా ఈ నెల 11న ప్రేక్ష‌కుల ముందుకు వ‌చ్చేందుకు రెడీ అవుతుంది ఈ చిత్రం. అయితే... రిలీజ్ డేట్ ద‌గ్గ‌ర ప‌డుతుంది కానీ.. ప‌బ్లిసిటీ మాత్రం అంత‌గా క‌నిపించ‌డం లేదు. ఎన్టీఆర్‌కి ప్ర‌త్యేకంగా పీఆర్ టీమ్ ఉంది. అలాగే డైరెక్ట‌ర్ త్రివిక్ర‌మ్‌కి పీఆర్ టీమ్ ఉంది. కానీ... ఎందుక‌నో ఈ సినిమాకి ప‌బ్లిసిటీ ఎక్క‌డా క‌నిపించ‌డం లేద‌ని ఎన్టీఆర్ ఫ్యాన్స్ తెగ ఫీల‌వుతున్నార‌ట. దసరా పండుగ ఎంతో దూరంలో లేదు... పీఆర్ టీం నిద్రపోతోందా అని గుర్రుమంటున్నారట. అస‌లు ఎందుకు ఇలా జ‌రుగుతుంది అంటే.. ఎప్పుడు ఏది రిలీజ్ చేయాలి అన్నా.. అంతా త్రివిక్ర‌మ్ చెప్పాలి అనే స‌మాధానం వ‌స్తుందట.
అజ్ఞాత‌వాసి అట్ట‌ర్ ఫ్లాప్ అవ్వ‌డంతో బాగా కేర్ తీసుకుంటున్నార‌ట మాట‌ల మాంత్రికుడు. అందుక‌నే టీజ‌ర్, ట్రైల‌ర్, ప్రీ రిలీజ్ ఫంక్ష‌న్ ఇలా.. ప్ర‌తిదీ ముహుర్తం చూసుకుని రిలీజ్ చేస్తున్నార‌ట. అంతా బాగానే ఉంది. కాక‌పోతే ప‌బ్లిసిటీ పెంచండి మ‌హా ప్ర‌భో అని ఫ్యాన్స్ తెగ కంగారుప‌డుతున్నారు. మ‌రి... ఫ్యాన్స్ బాధ అర్ధం చేసుకుని ఈ మాట‌ల మాంత్రికుడు జోరు పెంచ‌మ‌ని ఆదేశాలు జారీ చేస్తారేమో చూడాలి.
