త్రివిక్రమ్ ద‌ర్శ‌క‌త్వంలో అల్లు అర్జున్ క‌మ‌ర్షియ‌ల్ యాడ్
Trivikram Srinivas, Allu arjun
కంపెనీల‌కు బ్రాండ్ అండాసిడ‌ర్‌గా ఐకాన్ స్టార్ అల్లు అర్జున్ వున్న సంగ‌తి తెలిసిందే. రెడ్ బ‌స్‌, మింట్‌, ప్రూటీ వంటి పలు యాడ్‌ల‌ను చేశాడు. మొద‌ట్లో ఈ యాడ్‌ల‌కు ద‌ర్శ‌కుడు మారుతీ కూడా స‌హాయ‌కుడిగా వ్య‌వ‌హ‌రించాడు. ఇక త్రివిక్రమ్ శ్రీ‌నివాస్‌కు, అల్లు అర్జున్‌కు ఉన్న రిలేష‌న్ తెలిసిందే.
ఐకాన్ స్టార్ ప‌ల్స్ తెలిసిన‌వాడుగా త్రివిక్రమ్ ఓ ప్ర‌ముఖ సంస్థ యాడ్‌ను చేయ‌నున్నాడు. దానికి నేడే ముహూర్తం పెట్టారు. హైద‌రాబాద్‌లో ఓ స్టూడియోలో ఈ యాడ్‌ను షూట్ చేస్తున్నారు. దీనికి సంబంధించిన ఫొటోల‌ను అల్లు అర్జున్ త‌న సోషల్ మీడియాలో పోస్ట్ చేశాడు. ప్ర‌ముఖ సంస్థ‌తో యాడ్ చేయ‌డానికి ఆమోదం అయిన‌ట్లు ( బ్రాండ్ ఎండార్స్‌మెంట్) తెలిపారు. త్రివిక్రమ్ శ్రీనివాస్ ఈ యాడ్‌కి దర్శకత్వం వహిస్తున్నారు. ఈ వివ‌రాలు త్వ‌ర‌లో తెలియ‌నున్నాయి. ఇదే కాకుండా ఇప్పటికే పలు బ్రాండ్‌లకు అల్లు అర్జున్ సంతకం చేశాడు. అవికూడా కార్య‌రూపం దాల్చ‌నున్నాయి.
