ఒకే చోటు ప్రత్యక్షమైన ధనుష్ - నయనతార - ముఖాలు చూసుకోని హీరోహీరోయిన్లు
గత కొన్ని రోజులుగా ప్రత్యర్థులుగా ఉన్న హీరో ధనుష్, హీరోయిన్ నయనతారలు ఒకే చోట ప్రత్యక్షమయ్యారు. నిర్మాత ఆకా్ భాస్కర్ వివాహానికి ఈ ఇద్దరూ హాజరయ్యారు. ధనుష్ ఒంటరి రాగా, నయనతార తన భర్త విఘ్నేష్ శివన్‌తో కలిసి వచ్చారు.
ఇక సినీ పరిశ్రమకు చెందినవారికి వివాహ వేదికలో ముందు వరుస కుర్చీలను కేటాయించారు. దాంతో ధనుష్, నయనతార ఒకే వరుసలో కూర్చోవాల్సి వచ్చింది. అయితే, ఆ ఇద్దరూ కనీసం ఒకరి వైపు మరొకరు చూసుకోలేదు. వధూవరులను ఆశీర్వదించేందుకు వేదికపైకి కూడా తొలుత సెలెబ్రిటీలు వెళ్లగా.. అక్కడ కూడా నయనతార, ధనుష్ ఎడమొఖం, పెడమొఖంగానే ఉన్నారు. ఈ వీడియోను నయనతార, విఘ్నేష్ శివన్ సెక్యూరిటీ టీమ్ ఇన్‌స్టాగ్రామ్‌లో షేర్ చేసింది. ప్రస్తుతం ఈ వీడియో సోషల్ మీడియాలో వైరల్ అవుతోంది.
దీనిపై ఇరువురు అభిమానులు తమదైనశైలిలో స్పందిస్తున్నారు. నయనతార, ధనుష్ మధ్య గత కొన్ని రోజులుగా వైరం కొనసాగుతుంది. నయనతార జీవిత చరిత్ర ఆధారంగా ఓ డాక్యుమెంటరీ తెరకెక్కింది. 'నయనతార: బియాండ్ ది ఫెయిరీ టేల్' అనే పేరుతో దీన్ని నెట్‌ఫ్లిక్స్ సంస్థ తయారు చేసింది.
ఇందులో 'నేనూ రౌడీనే' అనే సినిమా నుంచి 3 సెకన్ల క్లిప్పింగ్‌ను నయనతార వాడుకున్నారు. ఈ చిత్రానికి నిర్మాత ధనుష్ కావడంతో తన అనుమతి లేకుండా క్లిప్పింగ్‌ను వాడుకున్నందుకు రూ.10 కోట్లు చెల్లించాలంటూ డిమాండ్ చేశారు. ఈ మేరకు నయనతారకు నోటీసులు పంపారు. తాము ధనుష్ నుంచి ఎన్ఎసీ (నో అబ్జెక్షన్ సర్టిఫికేట్) కోసం రెండేళ్లపాటు ఎదురుచూశామని, కానీ ఆయన స్పందించలేదంటూ నయనతార ఆరోపించారు. దాంతో ఇద్దరి మధ్య వివాదం నెలకొంది.
