భీమ్లానాయ‌క్ టైటిల్ & ఫస్ట్ గ్లింప్స్ ఆగస్టు 15న సిద్ధం
పైన ఆకాశం న‌ల్ల‌టి మేఘాల‌తో సంద‌డి చేస్తోంది. చ‌ల్ల‌టి గాలి వీస్తుంది. కింద ఓ బిల్డింగ్ వైపు గ‌ళ్ల లుంగీ ధ‌రించి, కుడిచేస్తో లుంగీ అంచున ప‌ట్టుకుని స్ట‌యిలిష్‌గా భీమ్లానాయ‌క్ గా వెళుతున్న పవన్ కళ్యాణ్ స్టిల్‌ను శుక్ర‌వారంనాడు చిత్ర యూనిట్ విడుదల చేసింది. ఆగస్టు 15న భీమ్లానాయ‌క్ టైటిల్ & ఫస్ట్ గ్లింప్స్ కు సిద్ధంకండి అంటూ కేప్ట‌న్ పెట్టింది. పవన్ కళ్యాణ్ ప్రస్తుతం మలయాళ “అయ్యప్పనుమ్ కోషియుమ్” రీమేక్ లో నటిస్తున్నారు. కొన్ని వారాల నుంచి ఈ సినిమా షూటింగ్ వేగంగా జరుగుతోంది. సాగర్ కె చంద్ర దర్శకత్వం వహిస్తున్న ఈ చిత్రంలో దగ్గుబాటి రానా కూడా నటిస్తున్నారు.
నిత్య‌మీన‌న్‌, ఐశ్వర్య రాజేష్ కూడా నటిస్తున్నారు. కాగా, సెప్టెంబర్ 2న పవన్ కళ్యాణ్ తన పుట్టినరోజు జరుపుకోనున్నారు. ఈ సందర్భంగా పవన్ కళ్యాణ్, రానా దగ్గుబాటి సినిమాలో నుంచి మొదటి పాటను సెప్టెంబర్ 2 న విడుదల చేయబోతున్నారు. సాగర్ కె.చంద్ర దర్శకత్వం వహిస్తున్న ఈ సినిమాకు త్రివిక్ర‌మ్ శ్రీ‌నివాస్ కూడా ప‌నిచేస్తున్నాడు. త‌మ‌న్ సంగీతం స‌మ‌కూరుస్తున్నారు. ప్రస్తుతం హైదరాబాద్ లోని అల్యూమినియం ఫ్యాక్టరీలో హై-వోల్టేజ్ యాక్షన్ సీక్వెన్స్ షూటింగ్ చేస్తున్నారు. ఈ చిత్రాన్ని నాగ వంశీ నిర్మిస్తున్నారు.
